काठमाडौं (हाम्रो खेलकुद) – कास्कीका विधान अधिकारी र विशाल खड्काको जोडीले हरिसिद्धि खुल्ला ब्याडमिन्टन प्रतियोगिताको उपाधि जितेको छ ।

विधान र विशालको जोडीले प्रयागपोखरी ब्याडमिन्टन क्लबका पनिव लिनथेप र सुरोज महर्जनको जोडीलाई २१–१९, १९–२१ र २२–२० को सेटले पराजित गर्दै उपाधी उचालेका हुन् ।

विजयी टिमले ५० हजार नगद मेडल र ट्रफी प्राप्त गरे । यस्तै उपविजयी टिमले २५ हजार सहित मेडल र ट्रफी प्राप्त गरे । तृतीय स्थान प्राप्त गरेका बुटवलका विश्वास नेपाल र गणेश रायमाझी तथा एपिएफका पेम्बा शेर्पा र चितवनका राजु थापाको जोडीले नगद १० हजार प्राप्त गरे ।

हरिसिद्धिस्थित आयोजककै आफ्नै कभर्डहलमा भएको प्रतियोगिताको पुरुष यु १९ तर्फको प्रतिस्पर्धामा सिक्सटिन फिदरका क्षितिज खनालले उपाधी हत्याए । उनले बालकुमारी रिमिक्स क्लबका आयुश्मान नागरीलाई २१–१२ र २२–२० ले पराजित गरे । विजयी खनालले नगद १५ हजार प्राप्त गरे । उपविजयी नागरीले नगद १० हजार, तृतीय स्थान प्राप्त गरेका सूर्यदर्शन ब्याडमिन्टन क्लबका सन्तोष पनेरु र क्लब सेभेनका डेभिड थापा मगरले नगद ५ हजार पाए ।

यस्तै महिला यु १९ तर्फ योङ्गबहालकी रोज पाण्डेले उपाधी जितिन् । उनले बालकुमारी रिमिक्स क्लबकी प्राथना देउवालाई २१–१८ र २१–१४ को सहज जित निकालिन् । विजयी पाण्डेले नगद १५ हजार प्राप्त गरे । उपविजयी देउवाले १० हजार पाए । धादिङकी बविता पुरी र भिन्छेबहालकी कृष्मा बज्राचार्यले ५ हजार पाइन् । चार दिस सम्म संचालन भएको भेट्रान युगलतर्फ पिएफसीका संजय कपाली र श्याम लामाको जोडी पहिलो भए ।

विजयी टोलीले नगद ३० हजार, दोस्रो हुनेले १५ हजार र तेस्रो हुने दुई टोलीले समान ५ हजार पाए । प्रतियोगितामा यु १९ पुरुष तथा महिला एकल खुल्ला, पुरुष युगल र भेट्रान ४५ माथी गर चार विधामा प्रतिस्पर्धा भएको थियो ।

यु–१९ पुरुष एकलतर्फ ५० खेलाडी, महिला एकल तर्फ १३, पुरुष युगलमा ५५ जोडी र भेट्रान ४५ बर्ष माथी २१ जोडीले प्रतिस्पर्धा गरेका थिए । बिजयी खेलाडीहरुलाई प्रमुख अतिथी उर्जा, जलश्रोत तथा सिंचाई मन्त्री पम्फा भुषालले पुरस्कृत गरिन् ।