काठमाडौं (हाम्रो खेलकुद) – प्रयागपोखरी ब्याडमिन्टन क्लबका पविन लिनथेप र सुरोज महर्जनको जोडी हरिसिद्धि खुल्ला ब्याडमिन्टन प्रतियोगिताको सेमिफाइनलमा प्रवेश गरेका छन् ।

पविन र सुरोजको जोडीले साईनोका अभिषेक बोस र सुजन थापाको जोडीलाई २१–१४ र २१–१३ को सोझो सेटमा पराजित गर्दै अन्तिम आठमा स्थान पक्का गरेका हुन् ।

बुटवलका विश्वास नेपाल र गणेश रायमाझीको जोडीले आयोजकका विकास महर्जन र रदीप महर्जनको जोडीलाई २१–१८, १९–२१ र २१–५ ले पराजित गरे । यस्तै अर्को खेलमा एपिएफका पेम्बा शेर्पा र चितवनका राजु थापाको जोडीले बालकुमारी रिमिक्सका ससिन डंगोल र सुमित महर्जनको जोडीलाई २१–१८ र २१–१४ ले पराजित गरे ।

कास्कीका विधान अधिकारी र बिशाल खड्काको जोडीले बुटवलका सुशिल गिरी र विवेक न्यौपानेको जोडीलाई २१–१३ र २१–१७ ले पराजित गरे ।

हरिसिद्धि ब्याडमिन्टन क्लबको आयोजनामा भएको प्रतियोगिताको महिला यु–१९ तर्फ यङबहाल युथ क्लबकी रोज पाण्डेले रिभाईभकी अनिता तामाङलाई २१–८ र २१–२ ले पराजित गर्दै अन्तिम चारमा स्थान पक्का गरिन् । धादिङकी बविता पुरीले १६ फिदरकी रिहाना शेरचन तथा भिन्छेबहालकी कृष्मा बज्राचार्य र बालकुमारी रिमिक्सकी प्राथना देउवाले पनि सेमिफाइनलमा स्थान बनाइन् ।

पुरुष यु १९ तर्फ बालकुमारी रिमिक्सका आयुश्मान नागरीले आयोजकका बिवेक चौधरीलाई २१–१७, २१–१४ ले पराजित गरे । सूर्यदर्शन ब्याडमिन्टन क्लबका सन्तोष पनेरु, क्लब ७ का डेभिड थापा मगर र फिदरका क्षितिज खनालले सेमिफाइनलमा स्थान बनाए ।