संघको सल्लाहकार समितिमा ४ ओलम्पियन

काठमाडौं (हाम्रो खेलकुद) – नेपाल ओलम्पियन संघले ४ ओलम्प्यिनलाई सल्लाकार समिति सदस्य चयन गरेको छ । संघका अध्यक्ष दीपक विष्टको अध्यक्षतामा शुक्रबार बसेको बैठकले ओलम्पियन लुम्बिनी प्रदेश सरकारका मन्त्री समेत रहेको सुरेन्द्र हमाल, जितबहादुर केसी, वैकुण्ठ मानन्धर र पुष्पराज ओझालाई सल्लाहकार समितिमा चयन गरेको हो ।

हमाल भारोत्तोलनका कीर्तिमानी पदक विजेता खेलाडी हुन् । त्यस्तै केसीले नेपालका लागि पहिलो अन्तर्राष्ट्रिय पदक जितेका थिए । त्यस्तै मानन्धर दक्षिण एसियाली खेलकुद (साग) का कीर्तिमानी धावक हुन् । सोही वैठकले नेपाल खेलकुद पत्रकार मञ्चका निर्वतमान अध्यक्ष महेश आचार्यलाई प्रेस सल्लाहकार नियुक्त गरेको संघले जनाएको छ । दुई दशकयता खेलकुद पत्रकारिता गर्दै आएका आचार्य अंग्रेजी दैनिक द हिमालयन टाइम्सका खेलकुद ब्यूरो प्रमुख हुन् ।