काठमाडौं (हाम्रो खेलकुद) – प्रयाग पोखरी ब्याडमिन्टन सर्कलका पविन लिनथेप र सुरोज महर्जनको जोडी तथा कास्कीका विधान अकिारी र बिशाल खड्काको जोडी हरिसिद्धि खुल्ला ब्याडमिन्टन प्रतियोगिताको पुरुष युगलतर्फ प्रि–क्वाटरफाइनलमा प्रवेश गरेका छन् ।

पविन र सुरोजको जोडीले टु स्टार ब्याडमिन्टन क्लबका सुनिल कपाली र नगेन्द्र महर्जनको जोडीमाथी २१–११ र २१–३ को सोझो सेटको जित निकाल्दै अन्तिम १६ मा स्थान पक्का गरेका हुन् । विधान र बिशालको जोडीले टिकाथलीका सरद राना मगर र सुमन पोखरेलको जोडीलाई २१–१५, २१–१६ ले पराजित गर्दै अन्तिम १६ मा पुग्न सफल भए ।

हरिसिद्ध ब्याडमिन्टन क्लबको आयोजनामा भएको प्रतियोगितामा पुरुष युगलतर्फ बालकुमारी रिमिक्स क्लबका शान्ता डंगोल र राम राईको जोडी, सिल्क ग्रुपका आकाश छन्त्याल र अभिषेक गुरुङको जोडी, साईनोका अभिषेक बोस र सुजन थापाको जोडी, बुटवलका बिश्वास नेपाल र गणेश रायमाझीको जोडी तथा बालकुमारी रिमिक्स क्लबका दिप्रिस मुनि बज्राचार्य र सुमन शाक्यको जोडीले पनि प्रिक्वाटरमा स्थान पक्का गरे ।

यस्तै सूर्यदर्शन ब्याडमिन्टन क्लबका हिमाल चन्द र सन्तोष पनेरुको जोडी, क्लब सेभेनका विकास महर्जन र हरिसिद्धिका रदीप महर्जनको जोडी, एपिएफका पेम्बा शेर्पा र चितवनका राजु थापाको जोडी, सूर्यदर्शन ब्याडमिन्टनका दीपक राना र थम रानाको जोडी, आयोजकका राजेन्द्र महर्जन र श्याम महर्जनको जोडी, बालकुमारी रिमिक्सका ससिन डङ्गोल र सुमित महर्जनको जोडी, आयोजकका निखिल भट्ट र बिवेक चौधरीको जोडी, बुटवलका सुशिल गिरी र बिवेक न्यौपानेको जोडी तथा बालकुमारी रिमिक्सका दिपन महर्जन र भुवन श्रेष्ठको जोडी रहेका छन् ।

आयोजकको आफ्नै कोर्टमा भएको प्रतियोगिताको यु–१९ महिलातर्फको खेलमा रिभाईभका अनिता तामाङ, फिदरकी रिहाना शेरचन, भिन्छेबाहालकी कृष्मा बज्राचार्य र कास्कीकी शितल केसीको जोडीले क्वाटरफाइनलमा स्थान पक्का गरे । यू–१९ पुरुषतर्फको खेलमा पिएफसीका अविनाश कार्की, कास्कीका अमित भण्डारी, हरिसिद्धिका बिवेक चौधर वाईसीबिसीका नेल्सन राईले प्रि–क्वाटरमा स्थान पक्का गरे ।