काठमाडौं (हाम्रो खेलकुद)– नेपाली महिला टोलीकी सदस्य मञ्जु गुरुङ र अरुणा शाहीको टोली फेयस्टाको माल्दिभ्स राष्ट्रिय महिला भलिबल च्याम्पियनसिपमा यात्रा टुंगिएको छ । पहिलो चरण पार गरेको फेयस्दा आइतबार पुलिस क्लबसँग सोझो सेटमा पराजित भएको थियो । पुलिस २५–७,२५–१४ र २५–१५ ले विजयी भएको थियो । पहिलो चरणमा पुलिस तेस्रो र फेयस्दा चौथो भएको थियो ।

‘टोलीले राम्रो सफलता प्राप्त गर्न नसकेपछि व्यक्तिगत रुपमा माल्दिभ्स लिगले निकै फाइनल पुगेको छ ’ मञ्जुले भनिन्,‘हाम्रो टोलीमा नयाँ खेलाडी धेरै थिए । तर, यहाँ अन्य देशका अनुभवी खेलाडीसँग प्रतिस्पर्धा गर्ने र आफ्नो खेललाई अझै सुधार्ने मौका मिल्यो । यसले पक्कै पनि हाम्रो खेलमा सुधार गर्न मद्दत पुग्नेछ ।’
अरुणाको अनुभव पनि मञ्जुकै जस्तो छ । उनले भनिन्,‘यहाँ प्राप्त गरेको अनुभव अब देशमा फर्केपछि हुने खेलमा पनि पक्कै लाग्नेछ । हाम्रो अनुभव राष्ट्रिय टोलीमा पनि काम आउनेछ । ’ लिगका चारमध्ये टोलीले जितेको खेलमा अरुण क्विन अफ दी म्याच बनेकी थिइन् । यो हारसँगै फेयस्ताको च्याम्पियनसिपमा यात्रा टुंगिएको छ ।
लिग चरणमा पहिलो भएको माल्दिभियन आरसी तथा दोस्रो स्थानमा रहेको प्रतिभा माली र कोपिला उप्रेतीको मिस्कियागु इजीबीच प्रतिस्पर्धा सोमबार प्रतिस्पर्धा हुनेछ ।