रिङ रेस्लिङको प्रत्यक्ष प्रसारण हाम्रो खेलकुदले गर्ने

काठमाडौं (हाम्रो खेलकुद)– नेपाल रिङ रेस्लिङ संघको आयोजनामा हुने रेस्लिङ प्रतियोगिताको प्रत्यक्ष प्रसारण हाम्रो खेलकुद डटकमबाट हुने भएको छ । नेपाल रिङ रेस्लिङ संघ र हाम्रो खेलकुदबीच मंगलबार प्रतियोगिताको प्रत्यक्ष प्रसारणका लागि सम्झौता भएको हो ।

नेपाल रिङ रेस्लिङ संघकी महासचिव सुवर्ण श्रेष्ठ र हाम्रो खेलकुद डट कमको तर्फबाट सम्पादक प्रकाश तिमल्सिनाले सम्झौता पत्रमा हस्ताक्षर गरेका थिए । सम्झौता एक वर्षको लागि रहनेछ ।

पछिल्लो समयमा रिङ रेस्लिङले देशका विभिन्न भागमा रेस्लिङ प्रतियोगिता आयोजना गर्दै आएको छ । गत वर्ष पोखराको कर्भड हलमा, वैशाख १ मा नुवाकोटको सूर्य चौर र गत महिना दोखलाको चरिकोटमा रिङ रेस्लिङ आयोजना भएको थियो ।

पोखरा र सूर्य चौरको प्रतियोगिता हाम्रो खेलकुदले प्रत्यक्ष प्रसारण गरेको थियो । संघले यो वर्ष आयोजना गर्ने प्रतियोगिताहरुको बारेमा केहि सातामा सार्वजनिक गर्ने जनाएको छ ।