सिमरा (हाम्रो खेलकुद)– सिमरामा जारी अन्तर विद्यालय फुटबल प्रतियोगितामा शनिबार ब्राइटर एकेडेमी सिमरा र नेपाल राष्ट्रिय मावि सिमरा विजयी भएका छन् ।

सिमरा रंगशालामा भएको पहिलो खेलमा जीतपुरसिमरा १ पथलैयाको होली गार्डेन इङ्लिस स्कुललाई १–० ले हराउँदै ब्राईटरले पहिलो जित दर्ता गरेको हो । प्रतिस्पर्धात्मक बनेको खेलमा जितका लागि ब्राइटरलाई अन्तिम समयसम्म संघर्ष गर्नुप¥यो । खेलको ५८ औँ मिनेटमा जयराम महतोले गरेको गोल नै निर्णायक बन्यो । टिमलाई संघर्षपुर्ण जित दिलाएका जयराम खेलको म्यान अफ द म्याच घोषित भए ।

शनिबार नै भएको दोस्रो खेलमा नेपाल राष्ट्रिय मावि पथलैयालाई ३–१ ले हराउँदै नेपाल राष्ट्रिय मावि सिमरा विजयी भएको हो । सिमराको जितमा साहिल मोक्तान एक्लैले २ गोल गरे । अर्को एक गोल किसन यादवले गरेका थिए । म्यान अफ द म्याच बनेका साहिलले खेलको २५औँ मिनेटमै पहिलो गोल गरेका थिए ।

३६ औँ मिनेटमा किसनले एक गोल थप्दै टिमलाई २–० को अग्रता दिलाए । पथलैयाका लागि रिजन लामाले ४३औँ मिनेटमा गोल गर्दै २–१ को स्थितीमा पु¥याएका थिए । सिमराका लागि अन्तिम मिनेटमा साहिलले व्यक्तिगत दोस्रो गोल गर्दा पथलैयाले ३–१ को हार बेहो¥यो ।

ग्रासरुट फाण्डेशनको आयोजनामा जारी प्रतियोगिता अन्तर्गत आइतबार पहिलो खेलमा सेन्ट पिटर्स एकेडेमी र सिमरा पब्लिक इङ्लिस स्कुल तथा दोस्रो खेलमा पाथिभरा बोर्डिङ स्कुल र नोबेल एकेडेमीबिच प्रतिस्पर्धा हुने प्रतियोगिता संयोजक सोनु क्षेत्रीले जानकारी दिए ।