काठमाडौं (हाम्रो खेलकुद) – नेपाली खेलाडी प्रकाश अधिकारी बहराइनको मानामामा जारी एसियाली युथ पारा गेम्स अन्तरगतको पारा ब्याडमिन्टनको क्वाटरफाइनलमा प्रवेश गरेका छन् ।

चार राष्ट्रका खेलाडी सम्मिलित समूह ‘सी’ को अन्तिम खेलमा प्रकाशले युएईका हुमेद फाउजी अल्सेनानीलाई २–० को सोझो सेटमा पराजित गर्दै अन्तिम आठमा स्थान पक्का गरेको हो ।

प्रकाशले हुमेद फाउजी अल्सेनानी माथि २१–१ र २१–२ को सोझो सेटमा पराजित गरेको र अब सेमिफाइनल प्रवेशका लागि ४ डिसेम्वरमा थाइल्यान्डका चिन्डानाई निनुडोमसकसँग प्रतिस्पर्धा गर्ने । अन्तर्राष्ट्रिय लेभल २ पारा तेक्वान्दो प्रशिक्षक कविराज नेगी लामाले जानकारी गराए

त्यसअघि प्रकाशले एसएल– ४ क्याटगोरीअन्तर्गत पुरुष सिंगल्सको पहिलो खेलमा इन्डोनेसियाका मोहम्मद फर्जी इब्राहिमले २१–१५ र २१–९ को सोझो सेटमा पराजित भएको र दोस्रो खेलमा भारतका नेहाल गुप्तालाई २१–१३ र २१–१८ को सीधा सेटमा हराएको थियो ।

गेम्समा तेक्वान्दोका ३ खेलाडी पनि सहभागी छन् । ब्याडमिन्टनमा नेपालबाट सहभागी प्रकाश एक्लो हुन् । उद्घाटनको मार्च पास्टमा पारा ओलम्पियन तेक्वान्दोकी पलेशा गोबद्र्धनले नेपालको झण्डा बोकेकी थिइन् । गेम्म डिसेम्बर ६ तारिखसम्म चल्ने छ ।