काठमाडौं (हाम्रो खेलकुद) – डिसेम्वर २ तारिखमा बहराइनको मानामा शहरमा सुरु हुने एसियन युथ पारा गेम्सको उद्घाटनमा नेपालको झन्डा पारा ओलम्पियन पलेशा गोवद्र्धन श्रेष्ठले बोक्ने भएकी छन् ।

एसियन युथ पारा गेम्स २०२१ को उद्घाटन बहराइनको आइएसओ टाउनमा रहेको ओलम्पिक स्टेडियममा हुनेछ । पलेशाको साथमा पारा ब्याडमिन्टन खेलाडी प्रकाश अधिकारी रहनेछन् । एसियन पारालिम्पिक कमिटि र बहराइन सरकारको आयोजनामा ‘टुगेदार राइजिङ स्ट्रोङ्गर’ को नारामा सञ्चालन हुने एसियन युथ पारा गेम्स २०२१ मा ४४ देशका १ हजार बढी एथलिटको सहभागिता रहने छ ।

नेपालबाट एसियन युथ पारा गेम्स २०२१ मा नेपालबबाट दुई खेल (पारा तेक्वान्दो र पारा ब्याडमिन्टन) का चार खेलाडीले प्रतिस्पर्धा गर्दैछन् । पारा तेक्वोन्दोबाट पलेशा गोवद्र्धन श्रेष्ठ, सिर्जना घिसिङ र विशाल गर्वुजा तथा पारा ब्याडमिन्टनबाट प्रकाश अधिकारीले प्रतिस्पर्धा गर्नेछन् । ब्याडमिन्टनका प्रकाशले २ डिसेम्वरमा प्रतिस्पर्धा गर्नेछन् । १ डिसेम्वरमा खेल तालिका सार्वजनिक हुदैछ ।

पारा तेक्वान्दोको पलेशा, सिर्जना र विशालको ४ डिसेम्वरमा तौल मापन र टाइसिट ‘ड्र’ र ५ डिसेम्वरमा खेल हुनेछ । पलेशाले के ४४ को ५७ केजीमुनि प्रतिस्पर्धा गर्नेछिन् । सिर्जनाले के ४४ को ५२ केजीमुनि तथा विशालले के ४४ को ५८ केजीमुनि खेल्नेछन् । ब्याडमिन्टनका प्रकाशले एसएल– ४४ क्याटगोरीको पुरुष सिंगल्समा खेल्नेछन् ।

पारा तेक्वान्दोको प्रशिक्षकमा कविराज नेगी लामा रहेका छन् । प्रशिक्षक लामा लेभल टु अन्तर्राष्ट्रिय प्रशिक्षक हुन् । टोली नेताको रुपमा नन्दा बस्याल रहेकी छन् । एसियन युथ पारा गेम्स ६ डिसेम्वरसम्म बहराइनको मानामा शहरमा समापन हुनेछ ।