काठमाडौं (हाम्रो खेलकुद) – फिडे मास्टर रुपेस जयसवालले जीओ इन्टेरियर फिडे रेपिड रेटिङ चेस प्रतियोगिताको उपाधि जितेका छन् । स्वीस लिगको आधारमा नौ चरणको खेलमा रुपेसले आठ अंक जोडे ।

यसैगरी ७.५ अंक भएका सुशील चौधरी दोस्रो तथा बद्री लाल नेपाली तेस्रो भए । सजिन मर्हजन चौथो, पूर्णराज खड्का पाचौ, सरोज मर्हजन छैटा्र, केशब श्रेष्ठ सातौ ,हरि सुब्बा आठौ , निकेन कुसाथा नवौ तथा राजन पुरी १०औं भए ।

महिलातर्फ विनिता कपाली पहिलो भइन् । यसैगरी, भेट्रानमा जगन्नाथ ताम्रकार तथा १६ वर्ष मुनी पुरुषोत्तम लिवाल पहिलो भए । प्रतियोगिताका विजेता खेलाडीलाई प्रमुख अतिथी प्रदेश सभा सदस्य दिपेन्द्र श्रेष्ठ, थापाथली चेस पार्कका अध्यक्ष क्याप्टेन इन्द्र बहादुर कार्की, आयोजक जिओ इन्टेरसियरका प्रमुख विरेन्द्र ठाकुर, नेपाल विलियार्ड्स स्नकुर तथा पुल एसोसीएसनका अध्यक्ष सरोज कुमार मुल्मी , ब्वाइज युनियन क्लबका पूर्व अध्यक्ष अरुण बैद्य, प्रभु पेका कबिर मर्हजन तथा एनएमबी बैंकका आशिष शाही लगायतले पुरस्कार वितरण गरे ।

जी ओ इनटरेयिर तथा थापाथली चेस पार्कको आयोजनामा भएको प्रतियोगितामा १५० खेलाडकिो सहभागिता थियो । प्रतियोगिताको लागत २ लाख ८० हजार रुपैयाँ रहेको छ । प्रतियोगिताको उपाधि विजेताले १५ हजार रुपैयाँ, उपविजयीले ८ हजार रुपैयाँ तथा तेस्रो हुने खेलाडीले ६ हजार रुपैयाँ पुरस्कार पाए ।