काठमाडौं (हाम्रो खेलकुद)– प्रमुख प्रतिपक्ष दल नेकपा एमालेको भातृ संगठन नेपाल खेलकुद महासंघ दुई दिने खेल नीति सम्मेलन सोमबार सम्पन्न हुँदैछ ।

दोस्रो दिन विभिन्न कार्यपत्र प्रस्तुत र त्यसमाथि छलफल हुने महासंघका सचिव तथा प्रचार प्रसार प्रमुख उमेश केसीले बताए । काठमाडौं घोषणा जारी गर्दै खेल नीति सम्पन्न हुने बताएको छ । एमालेका अध्यक्ष एवंम् पूर्व प्रधानमन्त्री केपी शर्मा ओलीले सम्मेलनको आइतबार उद्घाटन गरेका थिए । पहिलो दिन तीन वटा कार्यपत्र प्रस्तुत भएका थिए।

एमालेका स्थायी कमिटी सदस्य तथा लुम्बिनी प्रदेशका पूर्व मुख्यमन्त्री शंकर पोखरेलले राजनीतिक पार्टी र खेलकुद संगठनहरु, पिएचडी स्कोलर ओमकृष्ण प्रसाईंले नेपालमा खेलकुद विश्वविद्यालय, आवश्यकता र औचित्यता तथा महासंघका अध्यक्ष रमेशकुमार पौडेलले “ महासंघको सांगठनिक योजना, लक्ष्य तथा कार्यक्रम नामक कार्य पत्र प्रस्तुत गरे ।

उद्घाटन समारोहमा ओलम्पियन संघका अध्यक्ष दिपक विष्ट, राष्ट्रिय तथा अन्र्तराष्ट्रिय खेलाडी संघका अध्यक्ष दिपक श्रेष्ठ, गैर आवासीय नेपाली संघ खेलकुद समितिका सदस्य सचिव धर्म गिरीले सम्मेलनको सफलताको कामना गरे ।