काठमाडौं (हाम्रो खेलकुद)

रजनी फुटसलले रेडबुल राष्ट्रिय फुटसल लिग अर्को जित हासिल गर्दा शुक्रबार अर्को समूहमा हरिसिद्धि र ताहाचल फुटसलले बराबरी खेलेका छन् । ललितपुरको हरिसिद्धिले होममा ताहाचल फुटसलसँग ३–३ को बराबरी खेल्यो । हरिसिद्धिका लागि निरज महर्जन, लालबहादुर तामाङ र रैफी महर्जनले १-१ गोल गरे ।

ताहचलका सुदिप बुढाथोकीले ह्याट्रिक गरे । खेलको म्यान अफ द म्याच ताहाचलका सुनिल बस्नेत भए । लिगमा ५ खेलपछि ताहाचल १० अंकसहित समूह बीमा शीर्ष स्थानमा रहेको छ । त्यत्तिनै खेलमा हरिसिद्धिको ८ अंक छ र टोली दोस्रो स्थानमा छ । समूह ए अन्र्गत ह्वाइट हर्स फुटसल सुकेधारामा खेलमा रजनीले ३–१ को अवे जित हासिल गर्‍यो  । रजनीकासुमन कार्कीले २ र रुसन केसीले अर्कौ गोल गरे । होम टोलीका लागि मञ्जिल महर्जनले एक गोल फर्काए ।

रजनीका गोलकिपर सुलेमान चिन्नल खेलको म्यान अफ दी म्याच चुनिए । ५ खेलमा रजनी ७ अंक जोड्दै समूहको अंकतालिकाको तेस्रो स्थानमा उक्लकेो छ । समूहमा किकअफ फुटसल १२ अंकसहित शीर्ष स्थानमा छ । एएमए इभेन्टको आयोजनामा होम एन्ड अवेको आधारमा २८ मंसिरसम्म सञ्चालन हुने प्रतियोगितामा राजधानीका १६ फुटसल टोलीको सहभागिता छ । प्रतियोगिताको विजेता टोलीले १० लाख, उपविजेताले ५ लाख तथा उत्कृष्ट खेलाडी र उत्कृष्ट गोलकिपरले समान ५० हजार रुपैयाँ प्राप्त गर्नेछन् ।

रेडबल फुटबलमा शनिबारका खेल किकअफ फुटसलविरुद्ध ढुकु फुटसल हब समय –दिउँसो १२ः३० बजे स्थान – किकअफ फुटसल, सीतापाइला कीर्तिपुर फुटसलविरुद्ध सामाखुसी फुटसल समय- दिउँसो ३ः३० बजे स्थान – सामाजिक फुटसल, सामाखुसी