8 years ago
October 18, 2016
काठमाडौं (हाम्रो खेलकुद) – नेपाली फुटसलमा सर्वाधिक पुरस्कार राशिको रेडबुल राष्ट्रिय फुटसल लिग अन्तर्गत मंगलबार भएका खेलमा कुमारी फुटसल र ह्वाइट हर्स फुटसल विजयी भएका छन् ।
कुमारी फुटसल पकनाजोलको होममा कुमारीले टिम शंखमुल फुटसललाई ८–५ गोलले हरायो । कुमारीका अभिषेक रिजालले ४, आशिष लामाले २ तथो सुसान महत र सुवेश लामाले समान १ गोल गरे । शंखमुल फुटसलका शेरबहादुर थापाले ह्याट्रिक गरे, संजोग राई र सुरज महर्जनले एक/एक गोल गरे । पराजित टोलीका कप्तान संजोग राई म्यान अफ दी म्याच घोषित भए ।
भक्तपुर, कौसलटारको इम्पेरियल फुटसलमा भएको खेल ।
भक्तपुरको कौसलटारमा अवस्थित इम्पेरियल फुटसलमा भएको अर्को खेलमा ह्वाइट हर्स फुटसलले अवे खेलमा इम्पेरियल फुटसललाई ९–१ ले हरायो । म्यान अफ द म्याच रितेश लामाले ४, मनोज प्रजापति, सुजित प्रजापतिले २÷२ र मञ्जिल महर्जनले एक गोल गरे । इम्पेरियलका सुरेन्द्र बुढाथोकीले एक गोल फर्काए ।
होम एन्ड अवेको आधारमा २८ मंसिरसम्म सञ्चालन हुने लिगमा काठमाडौं, ललितपुर र भक्तपुरका विभिन्न १६ फुटसल टिमको सहभागिता छ । लिगमा सहभागी टिमलाई दुई समूहमा विभाजन गरिएको छ । प्रतियोगिताको विजेता टोलीले १० लाख र उपविजेता टोलीले ५ लाख रुपैयाँ पाउनेछ । त्यसैगरी प्रतियोगिताका उत्कृष्ट खेलाडी र उत्कृष्ट गोलरक्षकले जनही ५० हजार रुपैया प्राप्त गर्नेछन् ।
भोलिको खेल
किकअफ फुटसलविरुद्ध बानेश्वर रिक्रियसन सेन्टर
समय – १२ः३० बजे
स्थान- किकअफ फुटसल सीतापाइला
कीर्तिपुर फुटसलविरुद्ध ताहाचल फुटसल
समय -३ः३० बजे
स्थान -कीर्तिपुर फुटसल, कीर्तिपुर नगाउँ
March 31, 2025
काठमाडौं (हाम्रो खेलकुद) – ताम्रकार फुटसलको छैटौं संस्करणको सेमिफाइनल समीकरण पूरा भएको छ । सानेपा स्थित फिल्ड फूटसलमा विके सुनचाँदी पसल र ओरियन इलेक्ट्रिकल्स समूह विजेता बन्दै सेमिफाइनलमा प्रवेश गरे । विकेले पहिलो खेलम तिछु गल्लिसँग गोलरहित बराबरी खेलेको थियो । दोस्रो खेलमा मिलन ज्वेलर्सलाई १-० ले हरायो । त्यस्तै ओरियन पहिलो खेलमा उग्रचण्डीसँग गोलरहित […]
March 28, 2025
काठमाडौं (हाम्रो खेलकुद) – खेलकुदको माध्यमबाट समाजमा भाइचाराको अभिवृद्धि गर्न एवं समाजमा सकारात्मक परिवर्तनको उद्देश्यका साथ ताम्रकार समाजले विगत आठ वर्षदेखि गर्दै आइरहेको ताम्रकार फूटसल प्रतियोगिताको छैटौं संस्करण यसै साता हुने भएको छ । सानेपा स्थित फिल्ड फूटसलमा हुने प्रतियोगिता चैत्र १६ र २३ गते गरी दुई शनिबारको दिन चल्नेछ । ललितपुरका विभिन्न समाजका खेलाडी […]
March 15, 2025
काठमाडौं (हाम्रो खेलकुद)- क्रिजल एफसीले नवौं महिला फुटसलको उपाधि जितेको छ। वि युनाइटेडको आयोजना शनिवार भएको प्रतियोगिताको फाइनलमा बौद्ध अजिमा कम्युनिटीलाई २-० ले हराउँदै क्रिजल च्याम्पियन बनेको हो। क्रिजललाई जित दिलाउन रोशनी क्षेत्री र कुसुम खतिवडाले गोल गरिन्। सिम्बा खुकुरी प्रतियोगितामा तेस्रो भयो । रियल म्याड्रिड फ्यान क्लबलाई २-१ ले हराएर सिम्बाले तेस्रो स्थान प्राप्त […]
