4 years ago
March 16, 2021
इटहरी (हाम्रो खेलकुद)– सुनसरीको फुटसल फाइभ धरानले प्रदेश १ फुटसल छनोट प्रतियोगिताको उपाधि जितेको छ । इटहरीमा मंगलबार भएको फाइनलमा फुटसल फाइभले आफ्नै जिल्लाको द राइजिङ क्लब धरानलाई टाइब्रेकरमा ५–४ ले हराउँदै उपाधि जितेको थियो ।
निर्धारित समय ४–४ को बराबरीपछि निर्णयका लागि खेल टाइब्रेकरमा पुगेको थियो । टाइब्रेकरमा फुटसल फाइभका सरोज तामाङ, विजय श्रेष्ठ, प्रवेश जोशी, निरभ खड्का र सञ्जिव तामाङले गोल गरे । द राइजिङका लागि मिलन लिम्बु, रिवस मास्के, सचिन श्रष्ठ र विवेक राईले गोल गरे । सुदीप गुरुङ भने गोल गर्नबाट चुके ।
निर्धारित समयको मध्यान्तरसम्म ३–३ को बराबरी भएको थियो । विजयले पाचौं मिनेटमा गोल गर्दै फुटसल फाइभलाई अग्रता दिलाएका थिए । निरभले १० औं मिनेटमा गोल गर्दै टोलीलाई अग्रता दिलाएका थिए । द राइजिङका लागि मिलनले ११ औं मिनेटमा गोल गरे ।
१५ औं मिनेटमा सुदीपले लगातार २ गोल गरेपछि द राइजिङले ३–२ अग्रता लिएको थियो । तर फुटसल फाइभका प्रदेश जोशीले १८ औं मिनेटमा बराबरी गोल फर्काएका थिए । दोस्रो हाफको छैटौं मिनेटमा रिवसले राइजिङका लागि गोल गर्दै अग्रता दिलाएपनि त्यसको एक मिनेट वित्न नपाउँदै फुटसल फाइभका विजयले गोल फर्काएका थिए ।
पोखरामा हुने ए डिभिजन राष्ट्रिय फुटसल लिगका लागि भने प्रदेश १ बाट फाइनल खेलेका दुवै टोलीले प्रतिस्पर्धा गर्नेछन् । दुवै टोलीले तयारी स्वरुप समान १ लाख रुपैयाँ पाउने बताइएको छ । विजेता, उपविजेता टोलीका खेलाडीलाई अखिल नेपाल फुटबल संघ (एन्फा) का वरिष्ठ उपाध्यक्ष पंकज नेम्बाङलगायतले पुरस्कृत गरे ।
ु
February 7, 2025
काठमाडौं(हाम्रो खेलकुद) – अर्जुन मेमोरियल यु १२ फुटसल प्रतियोगिता आयोजना हुने भएको छ । टिपटो स्पोट्स एकेडेमीको आयोजनामा शनिवार हुने प्रतियोगितामा ८ टोलीको सहभागिता रहनेछ । जी फोर फुटसल तारकेश्वर ११ मा फुटसल प्रतियोगिता आयोजना हुँदैछ । प्रतियोगिता लिग कम नक आउटका आधारमा संचालन हुनेछ । प्रतियोगिताको फाइनल सहितको १९ खेल शनिबारै हुने आयोजकले जनाएको […]
January 23, 2025
काठमाडौं (हाम्रो खेलकुद)- नेपाल खेलकुद पत्रकार मञ्चको आयोजनामा हरेक हुँदै आएको एनएसजेएफ कप फुटसल प्रतियोगिताको तेस्रो संस्करणमा रिपोर्टर राइनोज च्याम्पियन भएको छ । नखिपोटस्थिट फुटसल भिजेलमा बिहीवार भएको फाइनलमा रिपोर्टर राइनोजले हेडलाइन हुरिकेन्सलाई ४–० ले पराजित गर्दै उपाधि जितेको थियो । सबै गोल टिमका मार्की अभिनव जोशीले गरे । ४ टोलीको प्रतिस्पर्धी एनएसजेएफ कपमा रिपोर्टर, […]
January 6, 2025
हिमाल खरेल, बिर्तामोड बिर्तामोडको अन्तिम विकल्प फुटसलले झापाको मेचीनगर-१० स्थित धाइजनमा आयोजित प्रथम जिजिआर मेमोरियल खुला फुटसल प्रतियोगिताको उपाधि जितेको छ । अन्तिम विकल्पले फाइनलमा आयोजक रेड स्टार फुटसल क्लबलाई ४-२ ले पराजित गर्दै उपाधि रक्षा गरेको हो । अन्तिम विकल्पका लागि विक्रम तामाङ र एरोन मगरले समान २ गोल गरे । एरोन प्लेयर अफ […]
