4 years ago
February 7, 2021
काठमाडौं (हाम्रो खेलकुद) – अखिल नेपाल फुटबल संघ (एन्फा) अन्तर्गत एन्फा फुटसल कमिटिको आयोजनामा हुने ‘ए’ डिभिजन लिग फुटसललाई टर्नपाइक इभेन्ट प्रालिले व्यवस्थापन गर्ने भएको छ ।
एन्फा र टर्नपाइक इभेन्टबीच आइतबार सम्झौता भएको छ । सम्झौता पत्रमा फुटसल कमिटिका संयोजक तथा एन्फा केन्द्रिय सदस्य रत्नकुमार श्रेष्ठ र टर्नपाइकका प्रमुख कार्यकारी अधिकृत युकेश लोहनीले हस्ताक्षर गरे । सम्झौता अनुसार टर्नपाइकले फुटसलको व्यवस्थापन र बजार प्रवर्द्धन गरेवापत नगद र जिन्सी गरेर २९ लाख रुपैयाँ उपलब्ध गराउने छ ।
फुटसल कमिटिले सोमबार फुटसलको ‘ए’ डिभिजन लिग पोखरामा वैशाख २५ देखि जेठ १५ सम्म सञ्चालन गर्ने जानकारी गराएको छ । लिगमा १० टिमले प्रतिस्पर्धा गर्ने फुटसल लिग कमिटिले जनाएको छ । जसमा बागमती प्रदेशबाट ४ टोली, प्रदेश १ र गण्डकी प्रदेशबाट समान २–२, प्रदेश २ बाट एक टोली तथा लुम्बिनी, कर्णाली र सुदूरपश्चिम प्रदेशबाट संयुक्त एक टिम हुनेछ ।
लिगका लागि प्रदेश १ को छनोट खेलहरु चैत १ देखि ५ सम्म इटहरीमा हुनेछ । प्रदेश २ को छनोट हेटौडामा चैत ८ देखि १२ सम्म हुनेछ । लुम्बिनी, कर्णाली र सुदूरपश्चिमको छनोट दाङमा चैत १९ देखि २३ सम्म हुनेछ । बागमतीको छनोट खेलहरु काठमाडौंमा चैत २५ देखि ३० सम्म हुनेछ । गण्डकीको छनोट खेलहरु पोखरामा बैशाख ३ देखि ७ सम्म हुनेछ ।
लिगमा ‘ए’, ‘बी’ र ‘सी’ डिभिजन क्लब, जिल्ला संघमा आबद्ध क्लब तथा राष्ट्रिय खेलकुद परिषदमा आबद्ध क्लबहरुले सहभागिता जनाउन पाउनेछन्। लिगको विजेताले १० लाख प्राप्त गर्दा उपविजेताले ५ लाख पाउनेछन् ।
यस्तै सर्वोकृष्ट खेलाडी, उत्कृष्ट गोलकिपर, उत्कृष्ट डिफेन्डर, उत्कृष्ट प्रशिक्षक र इमर्जिङ खेलाडीले समान २५ हजार पाउनेछन् । एन्फाले सहभागी हरेक टिमलाई १ लाख उपलब्ध गराउनेछ ।
लिगमा १० ‘ए’ डिभिजन फुटसल क्लबले प्रतिस्पर्धा गर्नेछन् । लिगका लागि टोलीले छनोट चरण पार गर्नुपर्नेछ । लिगका लागि क्लबले जिल्ला फुटबल संघसँग आबद्ध रहेका, राष्ट्रिय खेलकुद परिषदमा दर्ता रहेका र जिल्ला प्रशासन कार्यालयमा दर्तारहेका तथा ए, बि, र सि डिभिजन क्लब र फुटसल क्लबहरुले तोकिएको समयमा रितपूर्व दर्ता गरि ए डिभिजन राष्ट्रिय फुटसल लिगमा सहभागिता जनाउन पाउनेछन । छनोट चरणमा सहभागि क्लबमा (न्यूनतम) १ प्रशिक्षक, १ म्यानेजर र १० खेलाडी हुनुपर्नेछ ।
प्रदेश स्तरीय छनोट अन्तरगत प्रदेश १ मा पाथिभरा फुटसल, ईटहरीमा १ देखि ५ चैतमा हुनेछ । जसबाट २ क्लब छनोट हुनेछन् । प्रदेश २ को छनोट हेटौंडामा ८ देखि १२ चैतमा हुनेछ । जसबाट एक टोली छनोट हुनेछ । प्रदेश ५, ६ र ७ को छनोट स्पोर्टस् एरिना फुटसल दावमा १९ देखि २३ चैतमा हुनेछ । जसबाट एक टोली छनोट हुनेछ ।
प्रदेश ३ मा २५ देखि ३० चैतसम्म छनोट खेल हुनेछ । जसबाट ४ टोली छनोट हुनेछन् । प्रदेश ४ मा स्पोर्टस क्यासल र पैयम स्पोर्टस सेन्टर, पोखरामा (बैशाख ३–७), छनौट हुने छ । जसबाट २ टोली लिगका लागि छानिनेछ । लिगका खेलहरु पोखरास्थित बहुउद्देश्यीय कभर्डहलमा बैशाख २५ देखि जेठ १५ सम्म आयोजना हुनेछ । एन्फाले लिग खेल्ने क्लबलाई १ लाख रुपैयाँ खर्चस्वरुप प्रदान गर्नेछ । लिगमा उत्कृष्ट प्रदर्शन गर्ने खेलाडीबाट नेपालको राष्ट्रिय फुटसल टोली चयन हुनेछ ।
यस्तै सर्वोकृष्ट खेलाडी, उत्कृष्ट गोलकिपर, उत्कृष्ट डिफेन्डर, उत्कृष्ट प्रशिक्षक र इमर्जिङ खेलाडीले समान २५ हजार पाउनेछन् । एन्फाले सहभागी हरेक टिमलाई १ लाख उपलब्ध गराउने छन् ।
March 28, 2025
काठमाडौं (हाम्रो खेलकुद) – खेलकुदको माध्यमबाट समाजमा भाइचाराको अभिवृद्धि गर्न एवं समाजमा सकारात्मक परिवर्तनको उद्देश्यका साथ ताम्रकार समाजले विगत आठ वर्षदेखि गर्दै आइरहेको ताम्रकार फूटसल प्रतियोगिताको छैटौं संस्करण यसै साता हुने भएको छ । सानेपा स्थित फिल्ड फूटसलमा हुने प्रतियोगिता चैत्र १६ र २३ गते गरी दुई शनिबारको दिन चल्नेछ । ललितपुरका विभिन्न समाजका खेलाडी […]
March 15, 2025
काठमाडौं (हाम्रो खेलकुद)- क्रिजल एफसीले नवौं महिला फुटसलको उपाधि जितेको छ। वि युनाइटेडको आयोजना शनिवार भएको प्रतियोगिताको फाइनलमा बौद्ध अजिमा कम्युनिटीलाई २-० ले हराउँदै क्रिजल च्याम्पियन बनेको हो। क्रिजललाई जित दिलाउन रोशनी क्षेत्री र कुसुम खतिवडाले गोल गरिन्। सिम्बा खुकुरी प्रतियोगितामा तेस्रो भयो । रियल म्याड्रिड फ्यान क्लबलाई २-१ ले हराएर सिम्बाले तेस्रो स्थान प्राप्त […]
February 7, 2025
काठमाडौं(हाम्रो खेलकुद) – अर्जुन मेमोरियल यु १२ फुटसल प्रतियोगिता आयोजना हुने भएको छ । टिपटो स्पोट्स एकेडेमीको आयोजनामा शनिवार हुने प्रतियोगितामा ८ टोलीको सहभागिता रहनेछ । जी फोर फुटसल तारकेश्वर ११ मा फुटसल प्रतियोगिता आयोजना हुँदैछ । प्रतियोगिता लिग कम नक आउटका आधारमा संचालन हुनेछ । प्रतियोगिताको फाइनल सहितको १९ खेल शनिबारै हुने आयोजकले जनाएको […]
