काठमाडौं (हाम्रो खेलकुद) – नेपाली फुटसल टोली एएफसी फुटसल च्याम्पियनसिप छनोटमा जित विहिन भएर फर्केने भएको छ । मध्य र तथा दक्षिण एसियाली छनोटको समूह ए मा रहेको नेपाल शुक्रबार अफ्गानिस्तानसँग ६–२ ले पराजित हुँदै घर फर्कन लागेको छ । नेपाल अघिल्ला दुई खेलमा ताजकिस्तान र उज्वेकिस्तानसँग पराजित भएको थियो ।

३ खेलमा नेपालले १६ गोल खायो भने ३ गोल फर्कायो । शुक्रबार मोहसेन रेजायीको गोलबाट अफ्गानिस्तानले दोस्रो मिनेटमा अग्रता लिएको थियो । छैटौं मिनेटमा आदिल हामिदले गोल गर्दै खेल बराबरिमा ल्याए। १२औं मिनेटमा सेयेद होसेइन मौसभिले गोल गरेपछि अफगानिस्तानले पुनः अग्रता लिएको थियो ।

नेपालका लागि १६ औं मिनेटमा मणी लामाले गोल गर्दै खेल २–२ को बराबरीमा ल्याए। १७ औं मिनेटमा अफ्गानिस्तानका अक्बर काजेमीले गोल अफगानिस्तानले तेस्रो पटक अग्रता लियो । अफगानिस्तानका लागि मेहदी हशेमी २७ औं फर्जाद महमोदीले ३६ औं र खेलको अन्तिम मिनेटमा सेयेद होसेइन मौसभिले गोल गरेपछि अफगानिस्तानले फराकिलो जित दर्ता गर्यो ।

छनोटमा नेपालको यो लगातार तेस्रो हार हो । ताजिकिस्तानसँग ६-० ले पराजित भएको नेपाल अर्को खेलमा उज्वेकिस्तानसँग खेल ४-१ ले गुमाएको थियो । अर्को वर्ष तुर्केमिनिस्तानमा हुने एएफसी फुटसल च्याम्पियनसिपका लागि नेपाल सम्मीलित समूह ए बाट उज्वेकिस्तान र ताजिकिस्तान छनोट भएका छन् ।