7 years ago
May 3, 2018
काठमाडौं (हाम्रो खेलकुद) – नेपाल विज्ञापन संघ (आन) को आयोजनामा नेपाल आईस आन फुटसल प्रतियोगिता हुने भएको छ । आयोजक आनले बिहिबार राजधानीमा पत्रकार सम्मेलनको आयोजना गर्दै विज्ञापन एजेन्सी, मिडिया हाउस र कर्पाेरेट हाउसहरुबीचको फुटसल प्रतियोगिता बैशाख २४ देखि २९ गतेसम्म हुने जानकारी गराएको हो ।
प्रतियोगितामा ३२ टिमको सहभागिता रहने आयोजकले जनाएको छ । सहभागी टिमलाई आठ समूहमा विभाजन गरिएको छ ।
प्रतियोगितामा कान्तिपुर टीभी, इमेज च्यानल, हिमालय टीभी, एभि न्युज टीभी, जनता टीभी, न्युज २४, एबीसी टीभी र नेपाल टेलिभिजनले सहभागिता जनाएका छन् । यस्तै नागरिक दैनिक, नयाँ पत्रिका, गोरखापत्र, अन्नपूर्ण पोष्ट, मार्स, वेलकम, भिचित्र, एएनएस, भेग, अभानी, प्रिज्मार्क, मिडिया बास्केट, कारोबार, एडि रिलिज, मिडिया हब रहेका छन् । त्यस्तै, आउट रिच नेपाल, एडिफ्याक्टर, कि एडर्भटाईजिङ, फ्युचर हब, प्रिज्मा, डिएल फिल्म, नेट टिभी, क्युएफएक्स र नेपाल मेडिसिटी अस्पतालले प्रतियोगितामा सहभागिता जनाएका छन् । बिहिबारै प्रतियेगिताको समूह विभाजन गरिएको थियो ।
लिगकम नकआउटका आधारमा हुने प्रतियोगिताको विजेताले ७५ हजार नगदसहित ट्रफि हात पार्नेछ । त्यस्तै, दोस्रो हुनेले ५० हजार र तेस्रो हुनेले ३० हजार नगदसहित ट्रफी हात पार्ने छन् ।
त्यस्तै, पत्रकार सम्मेलनमा नेपाल खेलकुद पत्रकार मञ्च र नेपाल विज्ञापन संघ (आन)बीच एकवर्षे सम्झौता भएको छ । सम्झौता पत्रमा मञ्चका अध्यक्ष महेश आचार्य र आनका अध्यक्ष रविन्द्रकुमार रिजालले हस्ताक्षर गरे । मञ्चले गर्ने सम्पूर्ण कार्यक्रममा नेपाल विज्ञापन संघ (आन) को सहयोग रहने र आनको सम्पूर्ण कार्यक्रममा मञ्चको सहयोग रहने गरी सम्झौता भएको हो ।
March 28, 2025
काठमाडौं (हाम्रो खेलकुद) – खेलकुदको माध्यमबाट समाजमा भाइचाराको अभिवृद्धि गर्न एवं समाजमा सकारात्मक परिवर्तनको उद्देश्यका साथ ताम्रकार समाजले विगत आठ वर्षदेखि गर्दै आइरहेको ताम्रकार फूटसल प्रतियोगिताको छैटौं संस्करण यसै साता हुने भएको छ । सानेपा स्थित फिल्ड फूटसलमा हुने प्रतियोगिता चैत्र १६ र २३ गते गरी दुई शनिबारको दिन चल्नेछ । ललितपुरका विभिन्न समाजका खेलाडी […]
March 15, 2025
काठमाडौं (हाम्रो खेलकुद)- क्रिजल एफसीले नवौं महिला फुटसलको उपाधि जितेको छ। वि युनाइटेडको आयोजना शनिवार भएको प्रतियोगिताको फाइनलमा बौद्ध अजिमा कम्युनिटीलाई २-० ले हराउँदै क्रिजल च्याम्पियन बनेको हो। क्रिजललाई जित दिलाउन रोशनी क्षेत्री र कुसुम खतिवडाले गोल गरिन्। सिम्बा खुकुरी प्रतियोगितामा तेस्रो भयो । रियल म्याड्रिड फ्यान क्लबलाई २-१ ले हराएर सिम्बाले तेस्रो स्थान प्राप्त […]
February 7, 2025
काठमाडौं(हाम्रो खेलकुद) – अर्जुन मेमोरियल यु १२ फुटसल प्रतियोगिता आयोजना हुने भएको छ । टिपटो स्पोट्स एकेडेमीको आयोजनामा शनिवार हुने प्रतियोगितामा ८ टोलीको सहभागिता रहनेछ । जी फोर फुटसल तारकेश्वर ११ मा फुटसल प्रतियोगिता आयोजना हुँदैछ । प्रतियोगिता लिग कम नक आउटका आधारमा संचालन हुनेछ । प्रतियोगिताको फाइनल सहितको १९ खेल शनिबारै हुने आयोजकले जनाएको […]
