7 years ago
February 28, 2018
काठमाडौं (हाम्रो खेलकुद) – कुमारी फुटसलको आयोजनामा प्रथम कुमारी महिला फुटसल प्रतियोगिता हुने भएको छ । आयोजक कुमारी फुटसलले बुधबार राजधानीमा पत्रकार सम्मेलनको आयोजना गर्दै एक दिने प्रतियोगिता हुने जानकारी गराएको हो ।
लिग कम नकआउटका आधारमा हुने प्रतियोगितामा विभिन्न १६ क्लबले सहभागिता जनाउने कुमारी फुटसलका राजन लाल महर्जनले जानकारी गराए । आवेदन खुलाएपछि पहिला दर्ता गर्ने टिमलाई प्रतियोगितामा समावेश गरिएको आयोजकले जनाउको छ ।
सहभागी १६ टिमलाई चार समूहमा विभाजन गरिएको छ । बुधबार नै टाइसिट ‘ड्र’ निकालिएको थियो । जसअनुसार समूह ‘ए’ मा लेडी लाइन्स, ढुकु फुटसल, जि फोर फुटसल र छहारी शिक्षा सदन रहेका छन् । समूह ‘बी’ मा बौद्ध फुटसल, गोल्डेन गल्र्स, सिन्धुपाल्चोक युथ क्लब र एनएमसी रहेका छन् । समूह ‘सी’ मा न्यु जेन, गो स्पोर्टस्, एक्मी र डायनामिक रहेका छन् । समूह ‘डी’ मा थन्डर बर्डस्, स्टार स्पोर्टस्, चोल सम र आयोजक कुमारी फुटसल रहेका छन् । हरेक समूहका शीर्ष दुई टोली क्वार्टर फाइनलमा प्रवेश गर्नेछ ।
सहभागिताका लागि टिमलाई दर्ता शुल्क ७ हजार र भ्याली बाहिरको र छहारी शिक्षा सदनलाई ५ हजार राखिएको छ ।
हरेक टिमले सात देखि १० खेलाडी राख्न पाउनेछन् । लिग चरणका खेलहरु १५ मिनेटको र क्वार्टरफाइनल र सेमिफाइनलका खेलहरु २० मिनेटको र फाइनल खेल ३० मिनेटको हुने आयोजकले जनाएको छ । प्रतियोगिताको सबै खेलहरु पकनाजोलस्थित कुमारी फुटसलमा हुने छ ।
प्रतियोगिताको विजेताले ५० हजार, शिल्ड र मेडल प्राप्त गर्नेछन् । दोस्रो हुनेले २० हजार प्राप्त गर्नृेछ । यस्तै प्रतियोगिताको उत्कृष्ट खेलाडी, सर्वाधिक गोलकर्ता र उत्कृष्ट गोलरक्षक पनि पुरस्कृत हुने आयोजकले जनाएको छ । प्रतियोगिताको अनुमानित लागत ३ लाख ५० हजार हुने आयोजकले जनाएको छ । केही खर्च प्रायोजकबाट र अपुग रकम कुमारी फुटसलले नै बेहार्ने आयोजकले जनाएको छ ।
April 19, 2025
हिमाल खरेल, बिर्तामोड झापाको बिर्तामोडमा सात खेलाडी सम्मिलित खुला फुटसल प्रतियोगिता हुने भएको छ । प्रतियोगिता बैशाख १९ र २० गते हुनेछ । बिर्तामोड ५ स्यालडाँगीनजिकै रहेको फुटसल कोर्टमा हुने प्रथम बिर्तामोड फुट-७ कप खुला फुटसल प्रतियोगिता बिर्तामोड स्पोट्र्स सेन्टरले आयोजना गर्न लागिएको हो सेन्टरका सञ्चालक गणेश कटुवालका अनुसार पूर्वमा अहिलेसम्मको ठूलो पुरस्कार राशीको फुटसल […]
April 7, 2025
काठमाडौं (हाम्रो खेलकुद) – साविक विजेता विके सुनचाँदी पसलले छैटौं ताम्रकार फुटसल प्रतियोगिताको उपाधि जितेको छ । सानेपास्थित फिल्ड फुटसलमा सम्पन्न प्रतियोगिताको फाइनलमा विकेले ओरियन इलेक्ट्रिकल्सलाई टाइब्रेकरमा पराजित गरेको हो । निर्धारित समयको खेल गोलरहित बराबरीमा सकिएपछि टाइब्रेकरमा २-१ ले जित्दै विकेले उपाधि रक्षा गर्यो । फाइनलको प्लेयर अफ द म्याच सृजन ताम्रकार बने । […]
March 31, 2025
काठमाडौं (हाम्रो खेलकुद) – ताम्रकार फुटसलको छैटौं संस्करणको सेमिफाइनल समीकरण पूरा भएको छ । सानेपा स्थित फिल्ड फूटसलमा विके सुनचाँदी पसल र ओरियन इलेक्ट्रिकल्स समूह विजेता बन्दै सेमिफाइनलमा प्रवेश गरे । विकेले पहिलो खेलम तिछु गल्लिसँग गोलरहित बराबरी खेलेको थियो । दोस्रो खेलमा मिलन ज्वेलर्सलाई १-० ले हरायो । त्यस्तै ओरियन पहिलो खेलमा उग्रचण्डीसँग गोलरहित […]