काठमाडौं (हाम्रो खेलकुद) – अर्को लज्जास्पद हारसहित नेपालको पहिलो अन्तर्राष्ट्रिय फुटसलको सहभागिताको अन्त्य गरेको छ । इरानमा जारी एएफसी फुटसल च्याम्पियनसिप छनोटमा लगातार दुई खेल गुमाइसकेपछि भिडेका दुई टोलीबीचको खेलमा आज नेपाल तुर्किमिनिस्तानसँग ९–३ ले पराजित भएको थियो ।

यसअघि २ खेलमा १९ गोल खाइसकेको नेपाललले कुल २८ गोल खाएको छ । बदलामा ४ गोल मात्र गर्न सफल रह्यो । पहिलो खेलमा उज्वेकिस्तानसँग १४–१ को लज्जास्पद हार बेहोरेको नेपालले हिजो किर्गिस्तानसँगको खेल ५–० ले गुमाएको थियो

आज नेपालले २–० को अग्रता पनि जोगाउन सकेन र उल्टो फराकिलो हार बेहोर्यो । निर्धारित ४० मिनेटको खेलमा नविन लामाको गोलबाट नेपालले पहिलो अग्रता लिएको थियो भने आठौं मिनेटमा निर्मल गुरुङले गोल गरे । १२ औं मिनेटमा तुर्किमिस्तिानका गोलकिपर बेरामोभले रातो कार्ड पाएका थिए ।

१० औं मिनेटमा तुर्किमिस्तिानले पहिलो र र्कुबानोभले ११ औं मिनेटमा दोस्रो गोल फर्कायो । नेपालका लागि कप्तान सुरज राउतले १४ औं मिनेटमा गोल गरे । उनले उज्वेतिस्तानविरुद्धको पनि एक गोल गरेका थिए । तुर्किमिनिस्तानका लागि पहिलो गोल गरेका सालटानोभा मास्साटले २१ औं मिनेटमा गोल गरे । अनालुगिभेनले २७ औं, अत्ताएभले २८ औं र ३० औं, गुरबान्डेलीले ३३ औ मिनेट र मुमामेले ४० औं मिनेटमा गोल गरेका थिए ।

समूहमा उज्वेकिस्तान र किर्गिज गणतन्त्रले दुवै खेल जितेका छन् । समूहका शीर्ष दुई टोली अर्को बर्ष चाइनिज ताइपेइमा हुने एएफसी फुटसल च्याम्पियनसिपका लागि छनोट हुनेछन् ।