काठमाडौं (हाम्रो खेलकुद)- पहिलोपटक अन्तर्राष्ट्रिय फुटसलमा सहभागिता जनाएको नेपाली राष्ट्रिय फुटसल टिमले लगातार दोस्रो हार बेहोरको छ । इरानमा शुक्रबारबाट शुरु भएको एएफसी फुटसल च्याम्पियनसिप छनोटको दोस्रो खेलमा नेपाल किर्गिस्तानसँग ५–० ले पराजित भएका हो । यसअघि नेपाल आफ्नो पहिलो खेलमा उज्वेकिस्तानसँग १४–१ को फराकिलो गोल अन्तरले पराजित भएको थियो ।

पोउर शरिफ फुटसल हलमा सोमबार भएको खेलमा नेपालले पहिलो हाफमा ३ र दोस्रो हाफमा २ गोल खाएको थियो । किर्गिस्तानको जितमा टास्तानोभ अकाईले २ तथा अलिमोभ मकसट, वाइगाजी वुलु वुलानवेक र कानिटोभ इमिलले गोल गरे । अलिमोभ मकसटले गोल गरेपछि नेपाल खेलको पहिलो मिनेटमा नै पछि परेको थियो ।

टास्तानोभ अकाईले पाँचौ मिनेटमा गोल गर्दै किर्गिस्तानको अग्रता दोब्बर पा¥यो । १३ औं मिनेटमा वाइगाजी वुलु वुलानवेकले गोल गरेपछि किर्गिस्तानले पहिलो हाफमा ३–० को अग्रता लियो । किर्गिस्तानले दोस्रो हाफमा पनि गोललाई निरन्तरता दियो । दोस्रो हाफको शुरुमै कप्तान कानिटोभ इमिलले गोल गर्दै खेललाई ४–० को स्थितिमा पु¥यायो भने ३७ औं मिनेटमा टास्टानोभ अकाईले गोल गरेपछि किर्गिस्तानले ५–० ले खेल आफ्नो पक्षमा पा¥यो ।

दुई खेलमा हार बेहोरेपछि समूह ‘ए’ मा नेपाल अंकबिहीन हुदै पुछारमा छ । दुवै खेलमा जित हात पारेको किर्गिस्तान ६ अंकसहित शीर्ष स्थानमा छ । एसिया जोनको छनोट अन्तर्गत समूह ‘ए’ को नेपालले अन्तिम खेलमा मंगलबार तुर्केमिनिस्तानसँग प्रतिस्पर्धा गर्नेछ । समूहका शीर्ष दुई टिम सन् २०१८ मा चाइनिज ताइपेहमा हुने एएफसी फुटसल च्याम्पियनसिपमा छनोट हुनेछन् ।