8 years ago
October 12, 2017
काठमाडौं (हाम्रो खेलकुद) – नेपाली राष्ट्रिय फुटसल टिमलाई जर्सी पसल नेपाल प्रालिले प्रायोजन गरेको छ । अखिल नेपाल फुटबल संघ (एन्फा) अन्र्तगतको फुटसल समिति र जर्सी पसलबीच बिहिबार तीन बर्षको लागि प्रायोजन सम्झौतामा हस्ताक्षर भएको हो । सम्झौतामा एन्फाका अध्यक्ष नरेन्द्र लाल श्रेष्ठ र जर्सी पसलका सिइओ कृष्ण प्रसाद गुप्ताले हस्ताक्षर गरे ।
तस्विर : एन्फा
नेपाल इरानमा भोलिबाट शुरु हुने एएफसी फुटसल च्याम्पियनसिप खेल्न आज इरान प्रस्थान गर्दैछ । नेपालले फुटसलमा पहिलोपटक अन्तर्राष्ट्रिय खेल खेल्न लागेको हो । यस्तै नेपालको यो पहिलो अधिकारिक फुटसल टोलि समेत हो । सम्झौतापछि जर्सी पसलले नेपाली राष्ट्रिय फुटसल टोलीलाई बार्षिक १० लाखको दरले तीन वर्षमा ३० लाख बराबरको खेल सामग्रीहरु दिनेछन् ।
सम्झौतापछि जर्सी पसलले प्रशिक्षणको लागि आवश्यक पर्ने २५ खेलाडीलाई दुई सेट ट्रेनिङ जर्सी, अफिसियल ५ जनाको लागि जर्सी, खेलको दौरान प्रयोग हुने दुई सेट जर्सी, बुट १४ सेट, मोजा ३२ जोर, पानीको बोतल २० थान, सिन प्याड १४ थान, गोलकिपर पन्जा २ जोर र पोलो टिसर्ट ४० थान खेल सामग्रीहरु उपलब्ध गराउने छन् । त्यसबाहेक अन्य खेल सामग्री खरिद गर्न परे पसलले २५ प्रतिशत छुटमा दिनु पर्नेछ । सम्झौतापछि फुटसल टोलीको जर्सी उत्पादन र बिक्रि वितरण जर्सी पसलले मात्र गर्ने छ । सम्झौतामा हरेक जर्सीको बिक्रिबाट एन्फालाई ५ प्रतिशत रोयल्टी समेत दिनु पर्ने उल्लेख गरिएको छ ।
सोही अवसरमा पहिलो नेपाली राष्ट्रिय फुटसल टोलीको होम एण्ड अवे जर्सी समेत प्रदर्शन गरिएको थियो । एन्फाका अध्यक्ष नरेन्द्र श्रेष्ठ, फुटसल कमिटिका अध्यक्ष रमेश राइमाझी र जर्सी पसलका सिइओ कृष्ण प्रसाद गुप्ताले नेपाली टोलीको जर्सी सार्वजनिक गरेका थिए ।
April 30, 2025
हिमाल खरेल, बिर्तामोड झापाको बिर्तामोडमा रहेको नेपालकै ठुलो इनडुअर फुटसल कोर्टमा हुने खुला फुटसल प्रतियोगिताको तयारी पूरा भएको आयोजकले जनाएको छ । यही बैशाख १९ र २० गते हुने खेलाडी सम्मिलित प्रथम बिर्तामोड फुट–७ कप खुला फुटसल प्रतियोगिताको तयारी पूरा भएको आज पत्रकार सम्मेलन गरेर जानकारी दिइयो । बिर्तामोड–५ स्यालडाँगीनजिकै रहेको बिर्तामोड स्पोट्र्स सेन्टरद्वारा सञ्चालित […]
April 19, 2025
हिमाल खरेल, बिर्तामोड झापाको बिर्तामोडमा सात खेलाडी सम्मिलित खुला फुटसल प्रतियोगिता हुने भएको छ । प्रतियोगिता बैशाख १९ र २० गते हुनेछ । बिर्तामोड ५ स्यालडाँगीनजिकै रहेको फुटसल कोर्टमा हुने प्रथम बिर्तामोड फुट-७ कप खुला फुटसल प्रतियोगिता बिर्तामोड स्पोट्र्स सेन्टरले आयोजना गर्न लागिएको हो सेन्टरका सञ्चालक गणेश कटुवालका अनुसार पूर्वमा अहिलेसम्मको ठूलो पुरस्कार राशीको फुटसल […]
April 7, 2025
काठमाडौं (हाम्रो खेलकुद) – साविक विजेता विके सुनचाँदी पसलले छैटौं ताम्रकार फुटसल प्रतियोगिताको उपाधि जितेको छ । सानेपास्थित फिल्ड फुटसलमा सम्पन्न प्रतियोगिताको फाइनलमा विकेले ओरियन इलेक्ट्रिकल्सलाई टाइब्रेकरमा पराजित गरेको हो । निर्धारित समयको खेल गोलरहित बराबरीमा सकिएपछि टाइब्रेकरमा २-१ ले जित्दै विकेले उपाधि रक्षा गर्यो । फाइनलको प्लेयर अफ द म्याच सृजन ताम्रकार बने । […]
