7 years ago
October 12, 2017
काठमाडौं (हाम्रो खेलकुद) – नेपालको पहिलो आधिकारिक राष्ट्रिय फुटसल टिम एएफसी फुटसल च्याम्पियनसिप खेल्न इरान प्रस्थान गर्दै छ । भोलिबाट शुरु हुने प्रतियोगिता खेल्न १४ सदस्यीय नेपाली राष्ट्रिय फुटसल टिम र ९ अफिसियल गरी २३ सदस्यीय टिम आज राति त्यसतर्फ प्रस्थान गर्न लागेका हुन् । नेपाली टोलीलाई एन्फाका अध्यक्ष नरेन्द्र श्रेष्ठले बिदाई गरे ।
तस्विर : एन्फा
नेपालले फुटसल इतिहासमै पहिलोपटक अन्तर्राष्ट्रिय स्तरको औपचारिक फुटसल प्रतियोगितामा सहभागिता जनाउन लागेको हो । इरानमा अक्टोबर १३ बाट २२ सम्म हुने फुटसल च्याम्पियनसिपमा नेपाल समूह ‘ए’ मा परेको छ नेपालको समूहमा उज्बेकिस्तान, किर्गिस्तान र तुर्कमेनिस्तान रहेको छ । उज्बेकिस्तान प्रतियोगिताको साविक उपविजेता हो । किर्गिस्तानले यसअघिको संस्करणमा अन्तिम चरणमा प्रवेश गरेको थियो ।
नेपालले १५ अक्टोबरमा उज्बेकिस्तानसँग खेल्नेछ भने १६ अक्टोबरमा किर्गिस्तानको सामना गर्नेछ । समूहको अन्तिम खेल अन्तर्गत १७ अक्टोबरमा नेपालले तुर्कमेनिस्तानसँग खेल्नेछ । समूह चरणको विजेता र उपविजेताले प्रतियोगिता अन्तिम चरणमा प्रवेश पाउनेछ । प्रतियोगिताको अन्तिम चरण २०१८ फेब्रुअरीमा हुनेछ ।
बिदाईको क्रममै सुरज राउतलाई टिमको कप्तानीको जिम्मेवारी दिइएको छ । सहायक कप्तानमा नवीन लामा तोकिएका छन् । नेपाली टिमका मुख्य प्रशिक्षक राकेश श्रेष्ठले इरानमा अनुभव बटुल्ने प्रयाससँगै पहिलो च्याम्पियनसिपमा दोस्रो चरणको लागि छनोट हुने लक्ष्य लिइएको बताए ।
टिम निर्माणमा पनि खेलाडीहरुको लगाव र मिहेनतले सहज भएको भन्दै टिमको बलियो पक्ष भनेको खेलाडीहरुमा खेल खेल्ने भावना रहेको बताए ।
नेपाली टिमका कप्तान सुरज राउतले कप्तानीमा खुशी र हर्षित रहेको भन्दै आफ्नो जिम्मेवारीलाई पुरा गर्ने बताएका छन् । ‘६ वर्षपछिको संघर्ष अचिभ गर्न पाएको छु । यसमा खुशी र हर्षित नहुने कुरै भएन ।’ कप्तान सुरजले इरान जानुअघि भने, ‘कुनैबेला पकेटबाट पैसा निकालेर खेल्नु पर्ने अवस्था थियो । अहिले व्यवसायिक भएर राष्ट्रिय टिमसम्म स्थान बनाउन सफल छु । यो मौका क्याच गर्ने प्रयास गर्नेछु ।’ यस्तै कप्तान सुरजले यसले पछिल्लो पुस्तालाई पनि फुटसलमा लाग्न राम्रो प्ल्याट फर्म पाउने बताए । उनले प्रशिक्षण अवधि थोरै भएपनि प्रशिक्षण राम्रै रहेको बताउदै च्याम्पियनसिपको पहिलो सहभागितामा ठुलो अपेक्षा नराखिएको बताए । उनले विपक्षीको स्तर अनुसार खेल्ने प्रयास गर्ने पनि बताए ।
February 7, 2025
काठमाडौं(हाम्रो खेलकुद) – अर्जुन मेमोरियल यु १२ फुटसल प्रतियोगिता आयोजना हुने भएको छ । टिपटो स्पोट्स एकेडेमीको आयोजनामा शनिवार हुने प्रतियोगितामा ८ टोलीको सहभागिता रहनेछ । जी फोर फुटसल तारकेश्वर ११ मा फुटसल प्रतियोगिता आयोजना हुँदैछ । प्रतियोगिता लिग कम नक आउटका आधारमा संचालन हुनेछ । प्रतियोगिताको फाइनल सहितको १९ खेल शनिबारै हुने आयोजकले जनाएको […]
January 23, 2025
काठमाडौं (हाम्रो खेलकुद)- नेपाल खेलकुद पत्रकार मञ्चको आयोजनामा हरेक हुँदै आएको एनएसजेएफ कप फुटसल प्रतियोगिताको तेस्रो संस्करणमा रिपोर्टर राइनोज च्याम्पियन भएको छ । नखिपोटस्थिट फुटसल भिजेलमा बिहीवार भएको फाइनलमा रिपोर्टर राइनोजले हेडलाइन हुरिकेन्सलाई ४–० ले पराजित गर्दै उपाधि जितेको थियो । सबै गोल टिमका मार्की अभिनव जोशीले गरे । ४ टोलीको प्रतिस्पर्धी एनएसजेएफ कपमा रिपोर्टर, […]
January 6, 2025
हिमाल खरेल, बिर्तामोड बिर्तामोडको अन्तिम विकल्प फुटसलले झापाको मेचीनगर-१० स्थित धाइजनमा आयोजित प्रथम जिजिआर मेमोरियल खुला फुटसल प्रतियोगिताको उपाधि जितेको छ । अन्तिम विकल्पले फाइनलमा आयोजक रेड स्टार फुटसल क्लबलाई ४-२ ले पराजित गर्दै उपाधि रक्षा गरेको हो । अन्तिम विकल्पका लागि विक्रम तामाङ र एरोन मगरले समान २ गोल गरे । एरोन प्लेयर अफ […]
