7 years ago
September 17, 2017
काठमाडौं (हाम्रो खेलकुद)– द एक्सेल्सियर स्कुलले प्रथम हिमालय अन्तरविद्यालय यु–१४ फुटबल उपाधि जितेको छ । रोजबडलाई ४–२ गोलले हराउँदै एक्सेल्सियरले उपाधि जितेको हो । स्वयम्भू रिक्रिएसनमा भएको प्रतियोगिताको फाइनलमा एक्सेल्यिरका निमेश गोतामेले ह्याट्रिक गरे भने अर्को गोल धिरज जोशीले गरे ।
प्रथम हिमालय अन्तरविद्यालय यु–१४ छात्र फुटसलका उत्कृष्ट बायाँबाट क्रमशः सर्वाधिक गोलकर्ता निमेश गोतामे, उत्कृष्ट खेलाडी धिरज जोशी र उत्कृष्ट गोलकिपर स्वरुप तिमल्सिना ।
रोजबडका कृष शेरचन र विदितमान तुलाधर गोल गरेका थिए । ११ गोलसहित एक्सेल्यिरका निमेश प्रतियोगिताको उच्च गोलकर्ता बने । हिमालय फुटबल एकेडेमीद्वारा आयोजित प्रतियोगितामा एक्सेल्सियरका धिरज जोशी उत्कृष्ट खेलाडी बने । रोजबडका स्वरुप तिमल्सिना उत्कृष्ट गोल किपर चुनिए । एक्सेल्सियरका विश्वास लामा उत्कृष्ट प्रशिक्षक घोषित भए । किड्स लर्निङ स्कुल अनुशासित टिम छानियो ।
विजेतालाई एन्फा फुटसल कमिटीका अध्यक्ष रमेश रायमाझी, राष्ट्रिय फुटबल टोलीका पूर्व कप्तान हरि खड्का, सेल्टर आश्रय नेपालकी अध्यक्ष खुश्बु ओली, आयोजक हिमालयका सञ्चालक एवं प्रतियोगिता संयोजक राजन न्यौपानेलगायत पुरस्कृत गरे । एकदिने प्रतियोगितामा १२ टिम सहभागी थिए ।
November 16, 2024
काठमाडौं (हाम्रो खेलकुद) – मेचीनगरले प्रथम झापा १ काठमाडौं कप फुटसल प्रतियोगिताको उपाधि जितेको छ । नेपाली कांग्रेस झापा १ सांसद सचिवालय तथा झापा १ काठमाडौं सम्पर्क समिति, काठमाडौंको संयुक्त आयोजनामा जावलाखेलस्थित डिएभी स्कुलमा शनिवार फाइनलमा धाइजनलाई ४–३ ले हराउँदै मेचीनगरले जितेको हो । धाइजनका देवासिस प्रसाईँले ह्याट्रिक गरे । मेचीनगरका लागि रोहन कार्की र […]
November 10, 2024
काठमाडौं (हाम्रो खेलकुद) – काया स्पोर्ट्सको आयोजनामा काया यू-१६ कप सेभेन-ए-साइड फुटसल प्रतियोगिता मंसिर तेस्रो साता हुने भएको छ । नेपाली फुटबलको विकास ग्रासरुट देखिनै गर्नुपर्छ भन्ने संकल्पका साथ काया स्पोर्ट्सले मंसिर १७ देखि २० सम्म यू-१६ काया कप आयोजना गर्न लागेको हो । संस्थाको ‘कायापलट’ कार्यक्रम अन्तर्गत यो पहिलो प्रतियोगिता रहेको आयोजकले जनाएको छ […]
October 17, 2024
काठमाडौं(हाम्रो खेलकुद) – नेपाली राष्ट्रिय फुटसल टोलीको मुख्य प्रशिक्षकमा विक्रम महर्जन नियुक्त भएका छन् । एन्फा कम्प्लेक्स सातदोबाटोमा बिहीवार एन्फा महासचिव किरण राईले महर्जनलाई नियुक्तिपत्र हस्तान्तरण गरेका थिए । त्यस्तै टोलीको सहायक प्रशिक्षकमा सुमितकुमार आले र टोली व्यस्थापकमा राज महर्जन नियुक्त भएका छन् । सहायक प्रशिक्षक आले र टिम म्यानेजर महर्जनलाई पनि महासचिव राईले नियुक्तिपत्र […]
