काठमाडौं(हाम्रो खेलकुद) – सामाखुशी फुटसल र धन्यन्तरी फुटसल राजधानीमा जारी एन्फा रेडबुल राष्ट्रिय फुटसल च्याम्पियनसिपको शीर्ष स्थानमा उक्लिएका छन्सा । माखुशी समूह ‘बी’ बाट तथा धन्यन्तरी समूह ‘ए’ बाट शीर्ष स्थानमा उक्लिएका हुन् ।

च्याम्पियनसिप अन्र्तगत चौर रिक्रिएसन सेन्टरमा सोमबार भएको खेलमा सामाखुशी फुटसलले रजनी फुटसलमाथि ८–७ को जित निकाल्यो । सामाखुशीको ५ खेलबाट १३ अंक भएको छ । सोमबारै भएको अर्काे खेलमा चौर रिक्रिएसन सेन्टर स्तुपा फुटसलसँग ९–३ ले पराजित भयो । चौरलाई पराजित गरेको स्तुपा १० अंकसहित दोस्रो स्थानमा छ ।

अर्काे खेलमा शंखमुलले फुटसल भिलेजमाथि ७–० को फराकिलो जित निकाल्यो । रेभ फुटसलले ढुकुमाथि ६–५ को रोमाञ्चक जित निकाल्यो । यस्तै स्तुपा फुटसल बौद्धमा भएको खेलमा धन्यन्तरी फुटसलले खालीबारीमाथि ७–३ को फराकिलो जित निकाल्यो । जितसँगै धन्यन्तरी समूह ‘ए’ को शीर्ष स्थानमा उक्लिएको छ । धन्यन्तरीको ५ खेलबाट १२ अंक छ । यस्तै एक्सटेप किक अफले खुमलटारलाई १०–४ को फराकिलो अन्तरले पराजित गरेको हो । किक अफको ५ खेलबाट १० अंक पुगेको छ । यस्तै अन्य खेलमा हरिसिद्धीले बिजी ब्रदर्शलाई ७–६ ले तथा विजी फुटसलले स्वयम्भुलाई ७–४ ले पराजित गर्यो । समूह चरणमा अव दुई चरणको खेल मात्र बाँकी छ । हरेक समूहका शीर्ष दुई टोली सेमिफाइनलमा प्रवेश गर्नेछन् ।

नेपालले अक्टोबर १३ देखि २२ तारिखसम्म इरानमा हुने एएफसी फुटसल च्याम्पियनसिपमा सहभागिता जनाउने प्रतियोगिताको खेलाडी छनोटको रुपमा हेरिएको प्रतियोगितामा विभिन्न १६ टिमले च्याम्पियनसिपमा लिग कम नकआउटका आधारमा खेलिरहेको छ । प्रतियोगिताको विजेताले पाँच लाख प्राप्त गर्नेछन् । यस्तै उपविजेताले २ लाख ५० हजार प्राप्त गर्ने आयोजकले जनाएको छ । यस्तै उत्कृष्ट गोलरक्षक, डिफेन्स, फरवार्ड र मिडफिल्डर र प्रशिक्षकले समान २०–२० हजार प्राप्त गर्नेछन् । च्याम्पियनसिप अन्र्तगत मंगलबार स्तुपा फुटसल बौद्धमा सामाखुशी र फुटसल भिलेज, शंखमुल र चौर, रजनी र ढुकु तथा स्तुपा र रेभ फुटसलबीच प्रतिस्पर्धा हुनेछ । चौर रिक्रिएसन सेन्टर बाँसबारीमा बिजी ब्रदर्श र खुमलटार, किक अफ र धन्यन्तरी, हरिसिद्धि र विजी फुटसल तथा खालीबारी र स्वयम्भुबीच खेल हुनेछ ।