काठमाडौं(हाम्रो खेलकुद) – युवा संघ नेपालको आयोजनामा पहिलो संस्करणको मेयर कप फुटसल प्रतियोगिता हुने भएको छ ।

काठमाडौं महानगरपालिकास्थित वडा नम्वर २५ र २७ को संयुक्त आयोजनामा मेयर कप फुटसल प्रतियोगिता यही भाद्र १० गतेदेखि १७ गनेसम्म हुने भएको हो । प्रतियोगितामा काठमाडौं महानगरका सबै ३२ वडालाई बोलाइएकोमा हालसम्म १८ वटा वडाको टिमले प्रतियोगितामा सहभागिता सुनिश्चित गरिसकेको संघका प्रवत्ता संयोजक सुरज केसीले जानकारी गराए । प्रतियोगितामा वडाका स्थायी बासिन्दाले मात्रै सहभागिता जनाउन पाउने प्रतियोगिता संयोजक अषेश महर्जनले जानकारी गराए ।

प्रतियोगिताको दर्ता शुल्क १० हजार तोकिएको छ । नकआउटका आधारमा हुने प्रतियोगिताको विजेताले १ लाख रुपैया प्राप्त गर्नेछ । यस्तै दोस्रो हुनेले ५० हजारसहित शिल्ड र मेडल प्राप्त गर्नेछ । प्रतियोगिताको उत्कृष्ट खेलाडी, गोलरक्षक र डिफेन्डरले समान ५–५ हजार प्राप्त गर्ने आयोजकले जनाएको छ । प्रतियोगिताको सबै खेलहरु नेपा फुटसल एण्ड रिक्रेसन प्रालि चःमतिमा हुनेछ ।

प्रतियोगिता सञ्चालन गर्न करिव ४ लाख ७० हजार खर्च हुने अनुमान आयोजकले गरेको छ । प्रतियोगिताको आम्दानीको स्रोतको रुपमा युवा संघ नेपालको सदस्यहरुसँग आर्थिक सहयोग लिइएकाृे जानकारी गराए । प्रतियोगिताका शुरुवाती खेल ३० मिनेटको र सेमिफाइनल र फाइनल खेल ६० मिनेटको हुनेछ ।