8 years ago
June 3, 2017
काठमाडौं (हाम्रो खेलकुद) – ढुकु फुटसल हबले तेस्रो रुस्लान ओपन फुटसल प्रतियोगिताको उपाधि जितेको छ । जोचेन क्याफे एफसीलाई शनिबारको फाइनलमा १–० ले हराउँदै ढुकुले उपाधि जितेको हो । आफ्नै फुटसबलमा भएको फाइनलमा ढुकुका लागि एकमात्र गोल उर्केन शेर्पाले गरेका थिए ।
त्यसअघि सेमिफाइनलमा ढुकुले रेड डेभिललाई पेनाल्टीa सुटआउटमा २–१ र जोचेनले पोखराको तारा एफसीलाई १–० ले हराउँदै फाइनल भेट पक्का गरेका थिए । सेमिफाइनल पुग्नका लागि तारा एफसीले क्वार्टरफाइनलमा दुई पटकको विजेता रहि सकेको शंखमुल फुटसललाई हराएको थियो । फाइनल १८ र अन्य सबै खेल १६ मिनेट खेलाइएको थियो ।
ढुकुले उपाधिसहित १ लाख ५० हजार, दोस्रो भएको जोचेनले ८० हजार रुपैयाँ प्राप्त गर्यो । सेमिफाइनल पुगेका टोलीले समान २५ हजार रुपैयाँ प्राप्त गरे । पोखराका तारा एफसीका विनोद गुरुङ उत्कृष्ट खेलाडी, ढुकुका सुमिन कुवँर आले उत्कृष्ट गोलपिकर, जोचेनका राज शाही उत्कृष्ट रक्षक घोषित भए । ९ गोलसहित ढुकुका उर्केन शेर्पा उच्च गोल बने । उत्कृष्ट सबैले समान १५ हजार रुपैयाँ प्राप्त गरे ।
विजेता, उपविजेता टोलीका खेलाडीलाई रुस्लान थ्री स्टार क्लबका कार्यवहाक अध्यक्ष अरुणमान जोशीले पुरस्कृत गरेका थिए । पिरिवंकल सर्भिसको आयोजनामा भएको एक दिने प्रतियोगितामा ३२ टोलीको सहभागिता थियो । सहभागी टोलीलाई ८ समूहमा विभाजन गरि लिग कम नकआउटका आधारमा प्रतियोगिता सञ्चालन गरिएको थियो ।
April 7, 2025
काठमाडौं (हाम्रो खेलकुद) – साविक विजेता विके सुनचाँदी पसलले छैटौं ताम्रकार फुटसल प्रतियोगिताको उपाधि जितेको छ । सानेपास्थित फिल्ड फुटसलमा सम्पन्न प्रतियोगिताको फाइनलमा विकेले ओरियन इलेक्ट्रिकल्सलाई टाइब्रेकरमा पराजित गरेको हो । निर्धारित समयको खेल गोलरहित बराबरीमा सकिएपछि टाइब्रेकरमा २-१ ले जित्दै विकेले उपाधि रक्षा गर्यो । फाइनलको प्लेयर अफ द म्याच सृजन ताम्रकार बने । […]
March 31, 2025
काठमाडौं (हाम्रो खेलकुद) – ताम्रकार फुटसलको छैटौं संस्करणको सेमिफाइनल समीकरण पूरा भएको छ । सानेपा स्थित फिल्ड फूटसलमा विके सुनचाँदी पसल र ओरियन इलेक्ट्रिकल्स समूह विजेता बन्दै सेमिफाइनलमा प्रवेश गरे । विकेले पहिलो खेलम तिछु गल्लिसँग गोलरहित बराबरी खेलेको थियो । दोस्रो खेलमा मिलन ज्वेलर्सलाई १-० ले हरायो । त्यस्तै ओरियन पहिलो खेलमा उग्रचण्डीसँग गोलरहित […]
March 28, 2025
काठमाडौं (हाम्रो खेलकुद) – खेलकुदको माध्यमबाट समाजमा भाइचाराको अभिवृद्धि गर्न एवं समाजमा सकारात्मक परिवर्तनको उद्देश्यका साथ ताम्रकार समाजले विगत आठ वर्षदेखि गर्दै आइरहेको ताम्रकार फूटसल प्रतियोगिताको छैटौं संस्करण यसै साता हुने भएको छ । सानेपा स्थित फिल्ड फूटसलमा हुने प्रतियोगिता चैत्र १६ र २३ गते गरी दुई शनिबारको दिन चल्नेछ । ललितपुरका विभिन्न समाजका खेलाडी […]
