काठमाडौं (हाम्रो खेलकुद)- काठमाडौं महानगरपलिका केन्द्र दोस्रो प्रयागराज सिंह सुवाल स्मृति अन्तर वडा फुटसल प्रतियोगिताको प्रिक्वाटरफाइनलबाट बाहिरिएको छ ।

लैनचौर फुटसल मैदानमा शनिवार वडा नं ९ सँग ७-१ ले पराजित हुँदै काठमाडौं महानगर प्रतियोगिताबाट बाहिरिएको हो।

विजयी टिमका सागर भट्टले ह्याट्रिक गरेको खेलमा असिम लामिछाने, अर्जुन श्रेष्ठ, रोहन विक, अजय विक्रम अधिकारीले गोल गरे। काठमाडौंका लागि भुपदेवले गोल गरे। विजयी टोलीका सागर प्लेयर अफ दि म्याच बने।

अन्य खेलमा वडा नं ६,वडा नं १६ र वडा नं १४ विजयी भए । वडा नं १४ ले वडा नं १० लाई हराउँदा दुवै गोल राजु बुढाथोकीले गरे। राजु नै प्लेयर अफ दि म्याच चुनिए।

वडा नं ६ ले वडा नं ३ लाई २- ० ले पराजित गर्यो। विनोद पुडासैनी र नामदुल सान्बो लामाको गोल वडा नं ६ विजयी भएको हो। विजयी टोलीका दिपेश श्रेष्ठ प्लेयर अफ दि म्याच चुनिए।

वडा नं १६ ले वडा नं २० लाई ३-१ ले हरायो । १६ का लाय आयुष कुँवरले २ तथा रविन निरौलाले १ गोल गरे । वडा नं २० ज्ञानेन्द्र मल्लले गोल गरे। आयुष प्लेयर अफ दि म्याच चुनिए।