default_image

12 months ago

April 5, 2024

एन्फालाई प्याराडाइमद्वारा २३ लाख प्रायोजन

1733 views

0 Bookmark

काठमाडौं (हाम्रो खेलकुद) – अखिल नेपाल फुटबल संघ (एन्फा) लाई कलेज फुटसल प्रतियोगिता आयोजना गर्न प्याराडाइम ग्रुप प्रालिले २३ लाख रुपैयाँको प्रायोजन गरेको छ ।

एन्फाले सामाजिक संजालमार्फत प्रतियोगिताको सम्पूर्ण प्रायोजन अधिकार तथा डिजिटल र ब्रोडकास्ट अधिकारका लागि प्याराडाइमसँग सम्झौता गरेको जनाएको छ । एन्फाका महासचिव किरण राई र प्याराडाइमका सिसन बानियाले प्रायोजन सम्झौतामा हस्ताक्षर गरेको एन्फाले जनाएको छ । सम्झौता अनुसार प्याराडाइमले २३ लाख रुपैयाँ एन्फालाई प्रदान गर्नेछ ।

प्रतियोगितामा २४ टोलीको सहभागिता रहनेछ । सहभागी टोलीलाई ८ समूहमा विभाजन गरेर लिग कम नकआउट पद्दतिमा प्रतियोगिता आयोजना गरिनेछ । वैशाख दोस्रो साता हुने प्रतियोगिता लगनखेलस्थित आर्मीको कभर्ड हलमा हुने तयारी रहेको छ ।

प्रतियोगिता आयोजनाका लागि अनुमानित बजेट ३० लाख रुपैयाँ रहेको छ । २३ लाख रुपैयाँ प्याराडाइम र बाँकी रकम एन्फाले उठाउनेछ ।

एन्फाले दुई वर्षअघि डिजीफ्लाइसँग फुटसल लिगका लागि सम्झौता गरेको थियो । यसपटक भने कलेज फुटसल प्रतियोगिता आयोजना हुन लागेको हो । यसपटक भने खुला टेण्डर आव्हान नगरी सम्झौता गरिएको हो ।

March 31, 2025

ताम्रकार फुटसलको सेमिफाइनल समिकरण पूरा

काठमाडौं (हाम्रो खेलकुद) – ताम्रकार फुटसलको छैटौं संस्करणको सेमिफाइनल समीकरण पूरा भएको छ । सानेपा स्थित फिल्ड फूटसलमा विके सुनचाँदी पसल र ओरियन इलेक्ट्रिकल्स समूह विजेता बन्दै सेमिफाइनलमा प्रवेश गरे । विकेले पहिलो खेलम तिछु गल्लिसँग गोलरहित बराबरी खेलेको थियो । दोस्रो खेलमा मिलन ज्वेलर्सलाई १-० ले हरायो । त्यस्तै ओरियन पहिलो खेलमा उग्रचण्डीसँग गोलरहित […]

March 28, 2025

ताम्रकार फुटसलको छैटौं संस्करण हुँदै

काठमाडौं (हाम्रो खेलकुद) – खेलकुदको माध्यमबाट समाजमा भाइचाराको अभिवृद्धि गर्न एवं समाजमा सकारात्मक परिवर्तनको उद्देश्यका साथ ताम्रकार समाजले विगत आठ वर्षदेखि गर्दै आइरहेको ताम्रकार फूटसल प्रतियोगिताको छैटौं संस्करण यसै साता हुने भएको छ । सानेपा स्थित फिल्ड फूटसलमा हुने प्रतियोगिता चैत्र १६ र २३ गते गरी दुई शनिबारको दिन चल्नेछ । ललितपुरका विभिन्न समाजका खेलाडी […]

March 15, 2025

क्रिजललाई महिला फुटसल उपाधि

काठमाडौं (हाम्रो खेलकुद)- क्रिजल एफसीले नवौं महिला फुटसलको उपाधि जितेको छ। वि युनाइटेडको आयोजना शनिवार भएको प्रतियोगिताको फाइनलमा बौद्ध अजिमा कम्युनिटीलाई २-० ले हराउँदै क्रिजल च्याम्पियन बनेको हो। क्रिजललाई जित दिलाउन रोशनी क्षेत्री र कुसुम खतिवडाले गोल गरिन्। सिम्बा खुकुरी प्रतियोगितामा तेस्रो भयो । रियल म्याड्रिड फ्यान क्लबलाई २-१ ले हराएर सिम्बाले तेस्रो स्थान प्राप्त […]

Success

Thank you for your time.