8 years ago
January 23, 2017
काठमाडौं (हाम्रो खेलकुद)– लिजेन्ड एफसीले प्रथम रुस्लान भाटभटेनी खुला सेभेन ए साइड फुटसल प्रतियोगिताको उपाधि जितेको छ । भाटभटेनी हेल्थ क्लब प्रा.लि. ले वार्षिकोत्सवका अवसरमा आयोजना गरेको प्रतियोगिताको फाइनलमा लिजेन्डले दालभात थकाली चुलोलाई टाइब्रेकरमा ३–२ गोलले हराएको थियो । निर्धारित २० मिनेटको खेल २–२ को बराबरीमा सकिएको थियो ।
उपाधिसंगै लिजेन्डले १ लाख २५ हजार तथा दालभातले ७५ हजार रुपैयाँ प्राप्त गरे । भुगोल डेभलोप्मेन्ट एजुकेसन कम्पनीले केजलाई टाइब्रेकरमा ४–३ ले हराउदै तेश्रो भयो । निर्धारित समयको खेल १–१ को बराबरीमा टुंगिएको थियो । भुगोलले ५० हजार रुपैयाँ प्राप्त गर्यो । ।
चुच्चेपाटीको भाटभटेनी सुपर मार्केटमा भएको प्रतियोगितामा दालभातका रवि थापा उत्कृष्ट खेलाडी तथा लिजेन्डका अनिश श्रेष्ठ उत्कृष्ट गोलकिपर चुनिए । दुवै समान ५ हजार रुपैयाँ प्राप्त गरे । केज अनुशासित टोली घोषित भयो र १० हजार रुपैयाँ पायो ।
नेपाली कांग्रेसका महामन्त्री डा. शशांक कोइरालाले विजेता, उपविजेता टोलीलाई पुरस्कृत गरे । सोही अवसरमा दक्षिण एसियाली खेलकुदका कीर्तिमानी धावक वैकुण्ठ मानन्धर, राष्ट्रिय फुटबल टोलीका पूर्व कप्तान हरि खड्का, छनोट भएर ओलम्पिकमा खेल्ने पहिलो नेपाली खेलाडी तेक्वान्दोकी संगीना वैद्यलगायतलाई सम्मान गरिएको थियो । सोमबारै नेपाल खेलकुद पत्रकार मञ्च र आयोजक भाटभटेनी हेल्थ क्लब प्रा.लि. बीच भएको मैत्रीपूर्ण खेलमा मञ्च ६–३ ले विजयी भयो ।
April 19, 2025
हिमाल खरेल, बिर्तामोड झापाको बिर्तामोडमा सात खेलाडी सम्मिलित खुला फुटसल प्रतियोगिता हुने भएको छ । प्रतियोगिता बैशाख १९ र २० गते हुनेछ । बिर्तामोड ५ स्यालडाँगीनजिकै रहेको फुटसल कोर्टमा हुने प्रथम बिर्तामोड फुट-७ कप खुला फुटसल प्रतियोगिता बिर्तामोड स्पोट्र्स सेन्टरले आयोजना गर्न लागिएको हो सेन्टरका सञ्चालक गणेश कटुवालका अनुसार पूर्वमा अहिलेसम्मको ठूलो पुरस्कार राशीको फुटसल […]
April 7, 2025
काठमाडौं (हाम्रो खेलकुद) – साविक विजेता विके सुनचाँदी पसलले छैटौं ताम्रकार फुटसल प्रतियोगिताको उपाधि जितेको छ । सानेपास्थित फिल्ड फुटसलमा सम्पन्न प्रतियोगिताको फाइनलमा विकेले ओरियन इलेक्ट्रिकल्सलाई टाइब्रेकरमा पराजित गरेको हो । निर्धारित समयको खेल गोलरहित बराबरीमा सकिएपछि टाइब्रेकरमा २-१ ले जित्दै विकेले उपाधि रक्षा गर्यो । फाइनलको प्लेयर अफ द म्याच सृजन ताम्रकार बने । […]
March 31, 2025
काठमाडौं (हाम्रो खेलकुद) – ताम्रकार फुटसलको छैटौं संस्करणको सेमिफाइनल समीकरण पूरा भएको छ । सानेपा स्थित फिल्ड फूटसलमा विके सुनचाँदी पसल र ओरियन इलेक्ट्रिकल्स समूह विजेता बन्दै सेमिफाइनलमा प्रवेश गरे । विकेले पहिलो खेलम तिछु गल्लिसँग गोलरहित बराबरी खेलेको थियो । दोस्रो खेलमा मिलन ज्वेलर्सलाई १-० ले हरायो । त्यस्तै ओरियन पहिलो खेलमा उग्रचण्डीसँग गोलरहित […]
