काठमाडौं (हाम्रो खेलकुद) – सामाजिक संजाल फेसबुकको चर्चित समूह मेन्स रुम रिलोडेडको फुटसल प्रतियोगिता ‘एमआरआर फुटसल २०७९’ माघ ७ गते शनिबार नवलपुरमा हुने भएको छ ।

एमआरआर समूहका सदस्यहरु सहभागी हुने प्रतियोगिता नवलपुरको कावासोती फुटसलमा आयोजना हुनेछ । प्रतियोगितामा विभिन्न १३ जिल्लाको प्रतिनिधित्व गर्दै कुल १६ टोलीको सहभागिता रहनेछ । सहभागी टोलीमा एमएमआर समूहमा रहेका सदस्य खेलाडी छन् । पछिल्लो समय सामाजिक कार्यमा संलग्न रहँदै आएको एमआरआरको फुटसल प्रतियोगिता वार्षिक रुपमा रहँदै आएको छ ।

प्रतियोगिताका लागि माघ ६ गते सम्पूर्ण खेलाडी र टोली नवलपुर पुग्ने तालिका रहेको छ । भातृत्व र भाइचारा बढाउने उद्देश्यका साथ आयोजना हुने प्रतियोगिताका सम्पूर्ण सहभागीलाई मायाको चिनो प्रदान गरिनेछ । विजेता र उप विजेताले पदक र ट्रफी प्राप्त गर्नेछन् ।

प्रतियोगिताको मुख्य प्रायोजक एम्बिसन गुरु, सह प्रायोजक आवर क्लोजेट र प्रायोजकमा क्याप्सुल फार्मेसी, कावासोती सेन्ट जोसेफ स्कुल र हिमालयन वारीयर्स छन् । सहयोगीमा जर्सी पसल नेपाल, फोनपे, आइटी पार्टनर द भ्यालु क्रु र इन्टरनेट पार्टनर सुबिसु छन् ।

त्यस्तै प्रतियोगिताको मेडिकल पार्टनरमा शंकर पोलिक्लिनिक तथा मिडिया पार्टनरमा रुटिन अफ नेपाल बन्द, हाम्रो खेलकुद र डीटिएम मिडिया छन् । प्रतियोगिताको प्रत्यक्ष प्रसारण हाम्रो खेलकुदले गर्नेछ ।