8 years ago
November 22, 2016
काठमाडौं (हाम्रो खेलकुद) – ढुकु फुटसल हब र हरिसिद्धि फुटसलले राजधानीमा जारी रेडबुल फुटसल लिगमा मंगलबार सफलता प्राप्त गरेका छन् । समूह एमा अवे खेल जित्ने क्रममा ढुकुले आदर्श फुटसललाई ८–२ को फराकिलो अन्तरले हरायो । ढुकुका लागि म्यान अफ द म्याच मुस्कान लामा र सुरज राउतले समान २ तथा सुमित आले, सविन केसी, सविन खड्का र प्रजेश अधिकारीले समान १ गोल गरे । आदर्शका राजु बुढाथोकी र अविरल रिजालले गोल गरे ।
९ खेलबाट १८ अंक जोड्दै ढुकु समूह एको दोस्रो स्थानमा उक्लिएको छ । उत्तिनै खेलमा ४ अंकमात्र बटुलेको आदर्श समूहको पुछारमा छ । ८ खेलमा २१ अंक जोडेको किकअफ शीर्ष स्थानमा यथावत छ भने ८ खेलमा १६ अंक बटुलेको बानेश्वर रिक्रियसन सेन्टर तेस्रो स्थानमा छ ।
अर्को खेलमा हरिसिद्धि फुटसलले बिजी ब्रदर्शलाई ७–३ ले हरायो । हरिसिद्धिको जितमा म्यान अफ द म्याच रिपु भुलनले ४ गोल गरे । राजेश लिम्बूले २ र निरज महर्जनले १ गोल गरे । बिजी ब्रदर्शका उमेश खड्का, सरोज लामिछाने र प्रकाश थापाले गोल गरे ।
९ खेलबाट १४ अंकसहित हरिसिद्धि समूह बीको पाँचौं स्थानमा छ । बराबर अंक भएपनि गोलअन्तरमा बिजी ब्रदर्श सातौं स्थानमा छ । यस समूहमा शंखमुल फुटसल ८ खेलबाट १९ अंक जोड्दै शीर्षस्थानमा र बराबरी खेलमा १७ अंकसहित कुमारी दोस्रो स्थानमा छ ।
November 16, 2024
काठमाडौं (हाम्रो खेलकुद) – मेचीनगरले प्रथम झापा १ काठमाडौं कप फुटसल प्रतियोगिताको उपाधि जितेको छ । नेपाली कांग्रेस झापा १ सांसद सचिवालय तथा झापा १ काठमाडौं सम्पर्क समिति, काठमाडौंको संयुक्त आयोजनामा जावलाखेलस्थित डिएभी स्कुलमा शनिवार फाइनलमा धाइजनलाई ४–३ ले हराउँदै मेचीनगरले जितेको हो । धाइजनका देवासिस प्रसाईँले ह्याट्रिक गरे । मेचीनगरका लागि रोहन कार्की र […]
November 10, 2024
काठमाडौं (हाम्रो खेलकुद) – काया स्पोर्ट्सको आयोजनामा काया यू-१६ कप सेभेन-ए-साइड फुटसल प्रतियोगिता मंसिर तेस्रो साता हुने भएको छ । नेपाली फुटबलको विकास ग्रासरुट देखिनै गर्नुपर्छ भन्ने संकल्पका साथ काया स्पोर्ट्सले मंसिर १७ देखि २० सम्म यू-१६ काया कप आयोजना गर्न लागेको हो । संस्थाको ‘कायापलट’ कार्यक्रम अन्तर्गत यो पहिलो प्रतियोगिता रहेको आयोजकले जनाएको छ […]
October 17, 2024
काठमाडौं(हाम्रो खेलकुद) – नेपाली राष्ट्रिय फुटसल टोलीको मुख्य प्रशिक्षकमा विक्रम महर्जन नियुक्त भएका छन् । एन्फा कम्प्लेक्स सातदोबाटोमा बिहीवार एन्फा महासचिव किरण राईले महर्जनलाई नियुक्तिपत्र हस्तान्तरण गरेका थिए । त्यस्तै टोलीको सहायक प्रशिक्षकमा सुमितकुमार आले र टोली व्यस्थापकमा राज महर्जन नियुक्त भएका छन् । सहायक प्रशिक्षक आले र टिम म्यानेजर महर्जनलाई पनि महासचिव राईले नियुक्तिपत्र […]
