एजेन्सी – ब्राजिली विंगर भिनिसियस जुनियर प्रतिभावान खेलाडी हुन् । तर, स्पेनिस महारथी रियल म्याड्रिड आएपछि उनले रियलमा सोचेअनुरुपको खेल्न नसक्ने आँकलन गरिएको थियो ।

जतिबेला भिनिसियस रियलमा अनुबन्ध भएको थियो, त्यतिबेला उनको भविष्य उज्यालो देखिएको थिएन । यो सिजन (२०२१–२२) मा भिनिसियसले आफुलाई थप प्रमाणित गरेका छन् । २१ वर्षीय भिनिसियसले प्रशिक्षक कार्लाे एन्सेलोटीको मन जितिरहेका छन् । एन्सेलोटी पनि भिनिसियसमै केन्द्रित हुन थालेका छन् ।

यो सिजन भिनिसियसले रियलका लागि १४ खेल खेल्दा ९ गोल गर्दै उत्कृष्ट सिजन बिताइरहेका छन् । यो सिजन रियलले गरेको २४ गोलमध्ये उनको गोल ३७.५ प्रतिशत रहेको छ । रियलबाट १३२ खेलमा उनको १०.६ प्रतिशत गोल रहेको छ । उनले जसरी आफुलाई सुधार गरिरहेका छन्, उनको आगमी दिनको चुनौती पनि तेर्सिइरहेको छ । भिनिसियसलाई के हो त चुनौती ?

पहिलो ह्याट्रिक

पछिल्लो समय उनी दुईपटक ह्याट्रिक नजिक पुगेपनि चुके । जसमध्ये च्याम्पियन्स लिगमा साख्तर डोनेस्कमाथि ५–० को जित र स्पेनिस ला लिगामा इल्चेमाथि २–१ को जितमा उनी ह्याट्रिक नजिक पुगेर चुके ।

साख्तरविरुद्ध भिनिसियसले पाँच मिनेटको अन्तरमा दुई गोल गरेका थिए । रियलको चौथो गोलमा भने उनले रोड्रिगोलाई असिस्ट दिए । त्यसपछि भिनिसियसले गत शनिबार ला लिगामा इल्चेविरुद्ध २–१ को जितमा महत्वपुर्ण दुई गोल गरेका थिए ।

भिनिसियसले रियलको जर्सीमा गरेको २४ गोलमध्ये तीन अवसरमा मात्रै दुई गोल गरेका छन् । उनले गत सिजन च्याम्पियन्स लिगमा लिभरपुलविरुद्धको क्वाटरफाइनलमा पनि दुई गोल गरेका थिए । रियलको जर्सीमा उनले ह्याट्रिक प्रहार गर्न सकेका छन् । उनी रियलको जर्सीमा ह्याट्रिकको पखाईमा छ ।

उत्कृष्ट सिजनबाट एक गोल टाढा

सिजनको प्रारम्भिक चरणमा नै ९ गोल गरेर भिनिसियसले आफ्नो करियरकै उत्कृष्ट समय व्यतित गरेका छन् । क्लब स्तरमा यो उनको अहिलेसम्मकै उत्कृष्ट सिजन हो । तर, उनी उत्कृष्ट सिजनबाट एक गोलले मात्रै टाढा छ ।

२०१८ मा रियल म्याड्रिड आउनुअघि उनले ब्राजिली क्लब फ्लेमंगोको लागि ३२ खेलमा १० गोल गरेका थिए । तथ्यांक अनुसार उनले यो सिजन २० भन्दा बढी गोल गर्न सक्ने अनुमान गरिएको छ ।

सुपरस्टार फरवार्ड क्रिस्टियानो रोनाल्डोले क्लब छाडेपछि रियललाई गोलकै समस्या हुने गरेको थियो । नयाँ गोलकर्ताले लगातार गोल गरिरहँदा रियल पनि खुशी छ । जसको अर्थ रियलले गोलको लागि करिम बेन्जेमाको भर पर्नुपर्नेछैन ।

कतार विश्वकप अघि टिटेको मन जित्ने

ब्राजिलको राष्ट्रिय टोली कतार २०२२ मा छैटौपटक विश्वकपको उपाधि जित्ने लक्ष्यमा रहेको छ । कतार विश्पकपकै लागि दक्षिण अमेरिकी छनोटका लागि उरुग्वे, कोलम्विया र अर्जेन्टिनाविरुद्धको खेल अघि भिनिसियसलाई टोलीबाट हटाइएपछि सबै आश्चर्यमा परेका छन् ।

ब्राजिली प्रशिक्षक टिटेले यो सिजन उत्कृष्ट प्रदर्शन गरिरहेका भिनिसियस भन्दा फिलिपे कौटिन्होलाई छनोट गर्नु आश्चर्यकै कुरा हो । यदि रियल म्याड्रिडका फरवार्डले आफ्नो लगातारको नतिजालाई निरन्तरता दिन सफल भए भने टिटेलाई विश्वकपको टोलीमा पर्न योग्य छ भनि विश्वस्त गराउन एक वर्ष पर्याीत हुनेमा कुनै शंका छैन ।

एउटा कुरा निश्चित छ । ब्राजिली टोलीसँग उनको अनुभव राम्रो छैन । उनले ७ खेल खेल्दा गोल गर्न सकेका छैनन् । सोही कारण पनि उनी टोलीमा पर्न नसकेको हो । तथापि भिनिसियसले आफ्नो रियल म्याड्रिडको फर्मलाई निरन्तरता दिन र ब्राजिलको सुुरुवाती ११ मा आफ्नो बाटो बलियो बनाउन सक्ने आशा राख्नेछन् ।