एजेन्सी – प्रिमियर लिग क्लब लिभरपुल र लेस्टर सिटी इंग्लिस फुटबल लिग कप (कारवाओ) कपको क्वाटरफाइनलमा प्रवेश गरेका छन् ।लिभरपुलले च्याम्पियनसिप क्लब प्रिस्टनलाई उसकै मैदानमा २–० ले पराजित गर्दै अन्तिम आठमा स्थान पक्का गरेको हो ।

लिभरपुलको जितमा ताकुमी मिनामिनो र डिभोक ओरिगीले गोल गरे । दुवै गोल दोस्रो हाफमा सम्भव भएको थियो । अर्काे खेलमा लेस्टर सिटीले प्रिमियर लिग क्लब ब्राइटनलाई पेनाल्टी सुटआउटमा ४–२ ले पराजित गर्दै क्वाटरफाइनलमा स्थान पक्का गरेको छ ।

निर्धारित र अतिरिक्त समयको खेल २–२ गोलको बराबरीमा टुंगिएपछि खेल पेनाल्टी सुटआउटमा लम्बिएको थियो । जसमा लेस्टरले बाजी मा¥यो । पेनाल्टीमा लेस्टरका जेम्स म्याडिसन, हार्वे बार्नेस, पाटसन डाँका र रिकार्डाे पेरेइराले गोल गर्दा ब्राइटनका पास्कल ग्रस र एलेक्सी म्याक एलिस्टेरले गोल गरे । निल माउपे र इनक विपुले गोल गर्न सकेनन् ।

त्यसअघि लेस्टरको घरेलु मैदान किङ पाुवर स्टेडियममा बुधबार राति भएको खेलमा घरेलु टोलीले छैटौं मिनेटमा हार्वे बार्नेसको गोलबाट अग्रता लिएको थियो । पहिलो हाफको इन्ज्युरी समयको थप गरिएको तेस्रो मिनेटमा एडाम वेवस्टेरले गोल गर्दै खेललाई १–१ गोलको बराबरीमा ल्याए ।

पहिलो हाफकै इन्ज्युरी समयमा एडेमोला लुकमानले गोल गर्दै लेस्टरलाई २–१ ले अघि बढाए । ७१औं मिनेटमा इनक विपुले गोल गर्दै खेललाई अतिरिक्त र पेनाल्टीमा लम्ब्याएका थिए ।