काठमाडौं (हाम्रो खेलकुद) – स्पोर्ट्स एकेडेमी साँगा ‘सी’ डिभिजन लिगमा बढुवा भएको छ । आफ्नो पोलको अन्तिम खेलमा संयुक्त नमुना युवा क्लब काठमाडौंलाई १–० ले पराजित गर्दै काभ्रेको स्पोर्ट्स एकेडेमी ‘सी’ डिभिजनमा बढुवा हुन सफल भएको हो ।

प्रतिस्पर्धात्मक खेलको ६३औं मिनेटमा आदित्य कार्कीले गरेको गोल नै स्पोर्ट्स एकेडेमी साँगाको जितमा पर्याप्त बन्यो ।

त्यसअघि सुर्खेतको आरसी ३२ फुटबल एकेडेमी ‘रारा रेन्जर्स’ ले झापाको समाज सेवी क्लबलाई पेनाल्टी सुटआउटमा ५–३ ले पराजित गर्दै ‘सी’ डिभिजनमा बढुवा हुन सफल भएको छ।

सुर्खेेतको आरसी ३२ फुटबल एकेडेमी ‘रारा रेन्जर्स’ ‘सी’ डिभिजन लिगमा छनोट हुन सफल भएको छ । एन्फा कम्प्लेक्स सातदोबाटोमा आइतबार भएको नकआउटको आफ्नो पोलको अन्तिम खेलमा झापाको समाज सेवी क्लबलाई पेनाल्टी सुटआउटमा ५–३ ले पराजित गर्दै आरसी ३२ फुटबल एकेडेमी सी डिभिजन लाई छनोट हुन सफल भएको हो ।

निर्धारित समयको खेल २–२ गोलको बराबरीमा सकिएपछि खेलको निर्णय पेनाल्टी सुटआउटबाट लिइदा आरसी ३२ ले बाजी मारेको हो । आरसी ३२ का सबै ५ खेलाडीले गोल गर्न सफल हुदा समाज सेवी क्लबको चौथो पेनाल्टीलाई मुकेश घर्ती मगरले बचाउँदै छनोटको बाटो देखाए ।

त्यसअघि रोमाञ्चक र प्रतिस्पर्धात्मक बनेको खेलको १२औं मिनेटमा बविन बोहोराको गोलबाट आरसी ३२ ले अग्रता लिएको थियो । १९औं मिनेटमा खगेन्द्र बयरकोटीले गोल गर्दै खेललाई १–१ गोलको बराबरीमा ल्याएका थिए । २९औं मिनेटमा विवेक सन्तोषीले गोल गर्दै आरसी ३२ लाई पहिलो हाफमा २–१ को अग्रता दिलाए ।

दोस्रो हाफको शुरुमै ५०औं मिनेटमा हरि बहादुर आले मगरले गाले गर्दै खेललाई २–२ गोलको बराबरीमा ल्याए । त्यसपछि थप गोल निस्कन नसक्दा खेल पेनाल्टी सुटआउटमा लम्बिएको थियो ।

अब रानीवन स्पोर्ट्स क्लब बाजुरा र नुवाकोट युनाइटेड एफसीबीचको विजेता ‘सी’ डिभिजनमा बढुवा हुनेछ । यि दुई टोलीबीचको खेल सोमबार हुनेछ । ‘सी’ डिभिजन छनोटमा देशभरबाट ७८ टोलीको सहभागिता रहेको थियो । तीन टोलीले ‘सी’ डिभिजनमा बढुवा हुने प्रावधान रहेको छ ।