एजेन्सी – युइएफए नेसन्स लिगको उपाधिका लागि आज (आइतबार) राति स्पेन र फ्रान्सबीच प्रतिस्पर्धा हुदैछ । खेल मिलानो इटालीमा नेपाली समयअनुसार राति १२ः३० बजे हुनेछ ।

दुवै टोली पहिलोपटक नेसन्स लिग च्याम्पियन बन्ने लक्ष्यमा हुनेछ । २०१८–१९ मा पोर्चुगलले नेदरल्यान्ड्सलाई १–० ले पराजित गर्दै पहिलो संस्करणको उपाधि जितेको थियो । स्पेनले इटालीलाई २–१ ले तथा फ्रान्सले बेल्जियमलाई ३–२ ले हराउँदै उपाधि भिडन्त पक्का गरेको थियो ।

युवा खेलाडीले भरिएको स्पेन विश्व विजेता फ्रान्सलाई स्तब्ध पार्दै च्याम्पियन बन्ने लक्ष्यमा हुनेछ । टोलीसँग फेरान टोरेस, मिकेल ओयरजवाल, पाब्लो साराविया, पाब्लो गाभिरा ९गाभी०, कप्तान सर्जियो बुस्क्वेट्स, कोकी, मार्कोस अलन्सो, पाउ टोरेस, एमेरिक लापोर्टा, सिसर एज्पिलिक्वेटा र गोलरक्षक युनाई सिमोन रहेका छन् । एरिक गार्सिया, यारेमी पिनो, ब्रायन गिल, मिकेल मेरिनो, सर्जी रोबर्टो, रोड्री र सर्जी रोबर्टो टोलीमा रहेका छन् ।

यता, विश्व विजेता फ्रान्स पनि स्पेनलाई पराजित गर्दै उपाधि जित्ने लक्ष्यमा मैदान उत्रनेछ । टोलीसँग करिम बेन्जेमा, केलियन एमबाप्पे, एन्टोइन ग्रिजमन, पल पोग्वा, थियो हर्नान्डेज, बेन्जामिन पाभर्ड, लुकास हर्नान्डेज, राफयल भरान, जुलेस कोन्डे र गोलरक्षक ह्युगो लोरिस रहेका छन् ।

यि दुई टोलीबीचको पछिल्लो पाँच भेटमा स्पेन ३खेलमा विजयी भएको छ । एक खेल बराबरीमा सकिदा एक खेल फ्रान्सले आफ्नो पक्षमा पारेको छ । यि दुई टोली सन् २०१७ पछि पहिलोपटक आमाने–सामाने हुन लागेको हो । त्यतिबेला मैत्रीपुर्ण खेलमा स्पेनले २–० को जित निकालेको थियो ।