3 years ago
October 9, 2021
एजेन्सी – पेरिस सेन्ट जर्मेन (पीएसजी) का लियोनेल मेस्सी, इंग्लिस क्लब म्यानचेस्टर युनाइटेडका क्रिस्टियानो रोनाल्डो, जर्मन क्लब बायर्न म्युनिखका रोबर्ट लेवान्डोस्की र इंग्लिस क्लब चेल्सीका जर्गिन्होलाई समेट्दै यस वर्ष (२०२१) को बालोन डिओरको अन्तिम ३० मनोनयन सार्वजनिक भएको छ ।
आयोजक फ्रान्स फुटबलले शुक्रबार राति अन्तिम ३० मनोनयन सार्वजनिक गरेको हो । गतवर्ष कोरोना भाइरसका कारण अवार्ड नै स्थगित गरिएको थियो । यसपटक च्याम्पियन्स लिग विजेता चेल्सी र उपविजेता म्यानचेस्टर सिटीबाट समान ५–५ खेलाडी मनोनयनमा परेका छन् ।
फ्रान्सेली क्लब पीएसजीबाट ४ तथा इटालियन क्लब युभेन्ट्स, स्पेनिस क्लब रियल म्याड्रिड, इंग्लिस क्लब म्यानचेस्टर युनाइटेड र इटालियन क्लब इन्टर मिलानबाट समान दुई खेलाडी मनोनयनमा पर्न सफल भएका छन् ।
इटालियन क्लब एसी मिलान, क्याटलान क्लब बार्सिलोना, जर्मन क्लब बोरुसिया डर्टमुन्ड, इंग्लिस क्लब टोटेनहम, जर्मन क्लब बायर्न म्युनिख, इंग्लिस क्लब लिभरपुल र स्पेनिस क्लब भिल्लारियल र एट्लेटिको म्याड्रिडबाट समान एक खेलाडी मनोनयनमा परेका छन् ।
पछिल्लो एक दशक अवार्डमा राज गरेका मेस्सी, रोनाल्डो, लेवान्डोस्की र जर्गिन्होलाई अवार्डको दावेदारको रुपमा हेरिएको छ । मेस्सीले गत सिजन क्याटलान क्लब बार्सिलोनामा उत्कृष्ट समय व्यतित गरेका थिए । जर्गिन्होले चेल्सीबाट च्याम्पियन्स लिग र इटालीबाट युरो कप जितेका छन् ।
रोनाल्डोले गत सिजन युभेन्ट्सबाट खेल्दा युभेन्ट्सलाई सिरी ‘ए’ को उपाधि जिताउन नसकेपनि कोपा इटालिया र सुपरकोपा इटालीको उपाधि जिताउनुका साथै उनको व्यक्तिगत प्रदर्शन उच्च नै रहेको थियो । लेवान्डोस्कीले गत सिजन बुन्डेसलिगामा एकै सिजन सर्वाधिक गोल गर्ने गर्ड मुलरको कीर्तिमान तोडेका थिए ।
यसपटक एकमात्र गोलरक्षक पीएसजीका जियानलुइजी डोन्नररुम्मा मनोनयनमा परेका छन् । इटालीका उनी युरो कपमा उत्कृष्ट गोलरक्षक बनेका थिए । अवार्ड समारोह २९ नोभेम्वरमा हुनेछ ।
मनोनयन लिस्ट
गोलरक्षक – जियानलुइजी डोन्नररुम्मा (पीएसजी)
डिफेन्डर – लियोनाद्रो बोनुची (युभेन्ट्स), जर्जियो चिलियनी (युभेन्ट्स), सिमोन कायर (एसी मिलान), सिसर एज्पिलिक्वेटा (चेल्सी) र रुवेन डियास (म्यानचेस्टर सिटी)
मिडफिल्डर – एङ्गोलो कान्टे (चेल्सी), मासन माउन्ट (चेल्सी), निकोलो बरेल्ला (इन्टर मिलान), ब्रुनो फर्नान्डेस (म्यानचेस्टर युनाइटेड), पेड्री (बार्सिलोना), लुका मोड्रिच (रियल म्याड्रिड), केभिन डि ब्रुयन (म्यानचेस्टर सिटी), जर्गिन्हो (चेल्सी) र फिल फोडेन (म्यानचेस्टर सिटी)
फरवार्ड – रियाद महारेज (म्यानचेस्टर सिटी), एर्लिङ हालान्ड (बोरुसिया डर्टमुन्ड), ह्यारी केन (टोटेनहम), करिम बेन्जेमा (रियल म्याड्रिड), रहिम स्टर्लिङ (म्यानचेस्टर सिटी), लियोनेल मेस्सी (पीएसजी), नेयमार (पीएसजी), लोउटारो मार्टिनेज (इन्टर मिलान), रोबर्ट लेवान्डोस्की (बायर्न म्युनिख), मोहम्मद सलाह (लिभरपुल), रोमेलु लुकाकु (चेल्सी), क्रिस्टियानो रोनाल्डो (म्यानचेस्टर युनाइटेड), केलियन एमबाप्पे (पीएसजी), जेरार्ड मोरेनो (भिल्लारियल) र लुइस सुआरेज (एट्लेटिको म्याड्रिड)
October 29, 2024
काठमाडौं (हाम्रो खेलकुद)- महिला साफ च्याम्पियनसिप फुटबलको फाइनलको टिकट विक्री अखिल नेपाल फुटबल संघ (एन्फा) ले आफै विक्री गर्ने भएको छ। नेपाल र बंगलादेशबीच दशरथ रंगशालामा बुधवार साँझ ६:३० बजे फाइनल सुरु हुनेछ। एन्फाले मंगलवार पत्रकार सम्मेलनमार्फत ३ ठाँउमा बुधवार बिहान ८:०० बजे टिकट विक्री गरिने जानकारी गराएको थियो। जावलाखेल खेल मैदान, सातदोबाटोस्थित एन्फा कम्प्लेक्स […]
October 29, 2024
एजेन्सी – स्पेनिस मिडफिल्डर रोड्रीले विश्व फुटबलको सबैभन्दा ठूलो मानिने अवार्ड बालोन डी’ओर जितेका छन्। म्यानचेस्टर सिटीलाई चौथोपल्ट प्रिमियर लिग जिताउन सहयोग गरेका २८ वर्षीय रोड्रीले पहिलो पटक यो अवार्ड जितेका हुन् । रोड्री सन् २०१९ यता इङ्ग्लिस क्लब सिटीमा अनुबन्ध छन् । रोड्रीले स्पेनलाई युरोकप २०२४ जिताउन पनि महत्त्वपूर्ण भूमिका खेलेका थिए। गत महिना […]
October 28, 2024
काठमाडौं (हाम्रो खेलकुद) – साफ महिला च्याम्पियनसिप २०२४ को बुधवार हुने नेपाल र बंगलादेशबीच फाइनल खेलको टिकट विक्रीमा (अखिल नेपाल फुटबल संघ) एन्फाले रोक लगाएको छ । एन्फाले एक विज्ञप्ति जारी गर्दै टिकेटिङ्ग अधिकार प्राप्त माउण्ट एभरेष्ट स्पोर्टस एण्ड इभेन्ट्स प्रा.लि.लाई कुनै पनि माध्यमबाट टिकट विक्री नगर्न/नगराउन भनिएको छ । साथै एन्फाले दर्शकहरूलाई पनि टिकट […]