काठमाडौं (हाम्रो खेलकुद)

नेपाली राष्ट्रिय फुटबल टोलीले झन्डै ६ महिनापछि लाओससँग प्रतिस्पर्धा गर्दैछ । जेठ १६ गतेको मैत्रीपूर्ण खेलपछि यी दुई टोली आज मलेसियाको कुचिङमा जारी एएफसी सोलिडारिटी कपको पहिलो सेमिफाइनलमा प्रतिस्पर्धा गर्न लागेका हुन् ।

नेपाल र लाओसबीच त्यति बेलाको मैत्रीपूर्ण खेल १–१ का बराबरीमा टुंगिएको थियो । त्यो नेपाल र लाओसबीचको पहिलो अन्तर्राष्ट्रिय खेल थियो । मैत्रीपूर्ण खेलका लागि त्यतिबेला नेपालले लाओसकै भ्रमण गरेको थियो । तर, त्यति बेला नेपालका लागि गोल गर्ने विशाल राई भने सेमिफाइनल खेल्नेमा शंका छ । उनको गोलमा नेपालले लाओसविरुद्ध अग्रता लिएको थियो ।

यद्दपी नेपालले त्यो अग्रता जोगाउन सकेन र खेल बराबरीमा टुंगियो । लाओसविरुद्ध सुखद अनुभव बटुलेका झापा ११ का विशाललाई भने यसपटक चोटले खेल्ने अनुमति दिएन । घुँडाको चोट गम्भिर नभएपनि नेपाली टोलीका ग्याटुको कोजीले जोखिम उठाउन चाहेनन् । अन्यथा विशाल पहिलो रोजाइका खेलाडी रहँदै आएका थिए । यसपटक भने अघिल्ला दुई खेलमा पनि उनको खेल्न हेर्न सकिएन ।

पहिलो खेलमा चोटका कारण उनी पहिलो रोजाइमा परेरन भने दोस्रोमा प्रशिक्षक कोजीले जोखिम उठाउँन चाहेनन् । आज दिउँसो नेपाल समय अनुसार दिउँसो २ः१५ मा सुरु हुने खेलमा पनि उनी पहिलो रोजाइमा पर्ने सम्भावना कम छ । खेलको परिस्थिति र आवश्यकताका अनुसार कोजीले विशाललाई खेलाउने पनि सक्छन्, कारण उनी लाओसविरुद्ध गोल गर्ने अनुभव भएका एकमात्र खेलाडी हुन् ।

लाओसविरुद्ध दोस्रो गोल गर्ने खेलाडी बन्ने अवसर भने नेपाली खेलाडी फेरी एकपटक पाएका छन् ।