एजेन्सी – युइएफए च्याम्पियन्स लिगको समूह चरणको पहिलो राउन्डको खेलमा आज (बुधबार) राति विभिन्न ८ खेलमा प्रतिस्पर्धा हुँदा इटालियन क्लब इन्टर मिलानले घरेल मैदानमा स्पेनिस क्लब रियल म्याड्रिडको आतिथ्यता गर्दैछ ।

खेल नेपाली समयअनुसार गुइसेप्पी मिएज्जा मिलानो इटालीमा राति १२ः४५ बजे हुनेछ । घरेलु मैदानमा हुने खेलमा यो समरमा स्टार खेलाडी रोमेलु लुकाकु र अचरफ हाकिमीलाई गुमाएको इन्टर रियललाई स्तब्ध पार्दै समूह चरणमा सुखद नतिजा आत्मसात गर्न चाहन्छ ।

टोलीसँग लोउटारो मार्टिनेज, इडेन जेको, इभान पेरिसिस, हकान चलहानो ग्लु, मार्सेलो ब्रोजोभिक, निकोलो बरेल्ला, माटियो डार्मिएन, फेडरिको डिमार्काे, स्टेफन डि भिरिज, मिलान स्क्रिनिएर र गोलरक्षक समिर हान्डानोभिक रहेका छन् । यस्तै जोआक्विन कोरेआ र फकुन्डो कोलिडिओ पनि टोलीमा रहेका छन् ।

यता च्याम्पियन्स लिगको सर्वाधिक सफल रियल म्याड्रिड घरेलु टोली इन्टरलाई पराजित गर्दै सुखद सुरुवात गर्ने लक्ष्यमा हुनेछ । टोलीसँग लयमा रहेको फरवार्ड करिम बेन्जेमा र भिनिसियस जुनियर नै मुख्य हतियार हुनेछन् ।

यस्तै इडेन हाजार्ड, लुका मोड्रिच, क्यासमिरो, फेडे भाल्भेर्डे, डेभिड अलाबा, इडर मिलिसाओ, ड्यानी कार्भाजल, मिगुइल गुइटेरेज र गोलरक्षक थिवाउट कोर्टुवा पनि टोलीमा रहेका छन् ।

यि दुई टोलीको पछिल्लो पाँच भेटमा इन्टरले रियललाई पराजित गर्न सकेको छैन । जसमा इन्टरले चार हार बेहोरेको छ । १ खेल बराबरीमा सकिएको छ । इन्टर मिलान रियलसँगको हारको जिन्क तोड्ने लक्ष्यमा हुनेछ । पछिल्लो तीन खेलमा रियल इन्टरसँग अपराजित छ । खेलमा इन्टरले पेनाल्टी सुटआउटमा जित निकालेको थियो ।

यही समूह ‘डी’ को अर्काे खेलमा मोल्दोभाको एफसी सेरिफले युक्रेनी क्लब साख्तर डोनेस्कसाग राति १०ः३० बजे प्रतिस्पर्धा गर्दैछ ।