एजेन्सी – स्पेनिस ला लिगामा आज राति क्याटलान क्लब बार्सिलोनाले घरेलु मैदानमा गेटाफेको आतिथ्यता गर्दै छ । खेल नोउ क्याम्पमा राति ८:४५ बजे हुनेछ ।

गेटाफेलाई हराउँदै बार्सिलोना शीर्ष चार टोलीसँगको अंक बराबरी गर्ने लक्ष्यमा मैदान उत्रनेछ । गेटाफेमाथि ३ गोलको जित निकाल्न सके बार्सिलोना गोल अन्तरमा शीर्षस्थानमा उक्लनेछ । बार्सिलोनाको २ खेलबाट ४ अंक छ ।

टोलीसँग मेम्फिस डिपाए, मार्टिन ब्रेथवेट, एन्टोइन ग्रिजमन, फ्रान्की डि योङ, सर्जियो बुस्क्वेट्स, सर्जी रोबर्टाे, डेभिड अल्वा, क्लेमेन्ट लेङ्लेट, रोनाल्ड एराउजो र सर्जिनो डेस्ट टोलीमा रहँदा गोलरक्षक मार्क आन्दर टेर स्टेगनले खेल्ने सम्भावना छ ।

यता, गेटाफे पनि घरेलु टोलीलाई स्तबध् पार्दै पहिलो जितको खोजीमा हुनेछ । गेटाफेले नयाँ सिजनको सुरुवाती दुई खेलमा जित निकाल्न सकेको छैन । टोलीसँग माटा, उमल, जान्कटो, कार्लेस एलेना, म्याथियस ओलिभेरा, स्टेफन मित्रोभिक, डामियन सुआरेज र डेभिड सोरिया टोलीमा रहेका छन् ।

यि दुई टोलीको पछिल्लो २२ खेलमा बार्सिलोना १७ खेलमा विजयी भएको छ । गेटाफेले २ खेल आफ्नो पक्षमा पार्दा ३ खेल बराबरीमा सकिएको छ । गत सिजन यि दुई टोलीले समान एक जित निकालेका थिए ।

खेलको प्रत्यक्ष प्रसारण डिस होमको एक्सन स्पोर्ट्स २ ले गर्नेछ ।