एजेन्सी – सुरुवाती दुई गोलको अग्रता जोगाउन नसक्दा युभेन्ट्सले नयाँ सिजनको इटालियन सिरी ‘ए’ को पहिलो खेलमा बराबरीको नतिजा निकालेको छ । युभेन्ट्स घरेलु टोली उडिनेससँग २–२ गोलको बराबरीमा रोकिएको हो ।

डासिया एरिना उडिनमा आइतबार राति भएको खेलमा युभेन्ट्सका पाउलो डिबाला र जुआन कोर्डाडाले गोल गर्दा घरेलु टोलीका रोबर्टाे पेरेरा र जेरार्ड डिलोफिउले बराबरी गोल फर्काए । खेलको पाँचौ मिनेटमा नै पाउलो डिबालाको गोलबाट युभेन्ट्सले अग्रता लिएको थियो । उनले रोड्रिगो बेन्टानकरको पासमा गोल गरेका थिए ।

२३औं मिनेटमा जुआन कोर्डाडाले डिबालाको पासमा गोल गरेपछि युभेन्ट्सले पहिलो हाफमा २–० को अग्रता लिएको थियो । तर दोस्रो हाफमा युभेन्ट्सले उक्त अग्रतालाई जोगाउन सकेन । ५१औं मिनेटमा रोबर्टाे पेरेराले पेनाल्टीमार्फत गोल गर्दै घरेलु टोल उडिनेसलाई खेलमा फर्काउने संकेत दिए ।

आर्सलानलको पहिलो प्रहारलाई राम्ररी नियनत्रणमा लिन नसक्दा दोस्रो प्रयास गर्दा गोलरक्षक वजनिएस सिजेस्नीले आर्सलानललाई पेनाल्टी बक्समा आर्सलानलाई गोलरक्षक वजनिएस सिजेस्नीले फल गरेपछि उडिनेसले पेनाल्टीको मौका पाएको थियो । ८३औं मिनेटमा गोलरक्षक सिजेस्नीको गल्तीमा जेरार्ड डिलोफिउले गोल गर्दै खेललाई २–२ गोलको बराबरीमा ल्याए । उनले स्टेफानो ओकाका चुकाको पासमा गोल गरेका थिए ।

इन्ज्युरी समयको थप गरिएको चौथो मिनेटमा सब्सिच्युट पोर्चुगिज फरवार्ड क्रिस्टियानो रोनाल्डोले गोल गरेपनि उनको गोलले मान्यता नपाउँदा युभेन्ट्स जितबाट वञ्चित बन्यो । ६०औं मिनेटमा अल्भारो मोराटाको स्थानमा मैदान छिरेका रोनाल्डोले फेडरिको चिइसाको क्रसमा आफ्नो ट्रेडमार्क हेडरमार्फत बललाई जाली चुमाएपनि उनी भिएआरमा अफसाइड पोजिसनमा देखिएको थियो । बराबरी पछि दुबै टोलीले समान १ अंक जोडेका छन् ।

अन्य नतिजा
बोलोग्नाविरुद्ध सालेरनिटाना (३–२)
नेपोलीविरुद्ध भेनेजिया (२–०)
रोमाविरुद्ध फियोरेन्टिना (३–१)