एजेन्सी – इंग्लिस प्रिमियर लिगको नयाँ सिजनको पहिलो रोमाञ्चक र प्रतिस्पर्धात्मक खेलमा आज राति साविक विजेता म्यानचेस्टर सिटीले टोटेनहम हटस्परको भ्रमण गर्दैछ ।

टोटेनहम र सिटीबीचको खेल नेपाली समूह अनुसार राति ९ः१५ बजेपछि टोटेनहम हटस्पर स्टेडियममा हुनेछ । घरेलु मैदानमा हुने खेलमा टोटेनहम साविक विजेतालाई हराउँदै सुखद नतिजा निकाल्ने लक्ष्यमा मैदान उत्रनेछ ।

टोलीसँग ह्युङ मिन सन, डेल अली, स्टेभेन वर्गवाइन, लुकास मोउरा, जियो भानी लो सेल्सो, पिएरे इमिल होएबिएर, सर्जियो रेगुइलोन, एरिक डाएर, डाभिन्सन साञ्चेज, बेन डेभिस र गोलरक्षक ह्युगो लोरिस हुनेछन् । प्रशिक्षणमा ढिला गरी जोडिएको र पछिल्लो समय सरुवा हल्लाका कारण ह्यारी केनले खेल्ने सम्भावना न्युन छ ।

यता, टोटेनहम भ्रमणमा निस्कँदा साविक विजेता सिटी जित निकाल्दै उपाधि यात्रालाई जोगाउने लक्ष्यमा हुनेछ । टोलीसँग फेरान टोरेस, रियाद महारेज, इल्केए गुन्डोगान, फर्नान्डिन्हो, बर्नाडो सिल्भा, रुवेन डियास, जोन स्टोन्स, केल वाल्कर, जोओ क्यान्सेलो र गोलरक्षक इडर्सन मोराएस टोलीमा हुनेछ ।

यसै समरमा एस्टन भिल्लाबाट सिटी आएका ज्याक ग्रेलिसले टोटेनहमविरुद्ध खेल्ने सम्भावना छ । चोटका कारण गाब्रिय जेसस, केभिन डि ब्रुएन, फिल फोडेन र रहिम स्टर्लिङ टोलीमा हुनेछैनन् ।

यि दुई बीचको २६ खेलमा सिटी १६ खेलमा विजयी भएको छ । टोटेनहमले ७ खेल आफ्नो पक्षमा पार्दा ३ खेल बराबरीमा सकिएको छ । पछिल्लो दुई खेलमा सिटीले जित निकालेको छ ।

यस्तै प्रिमियर लिगकै अर्काे खेलमा राति ६ः४५ बजे न्यु क्यासल युनाइटेड र वेस्टह्यामबीच प्रतिस्पर्धा हुँदैछ ।