एजेन्सी – युरोपेली च्याम्पियनसिप २०२० को फाइनलमा इटाली र इंग्ल्यान्ड दुवैले सुरुवाती रोजाइको घोषणा गरेका छन् । इंग्ल्यान्डले सेमिफाइनलबाट एक परिवर्तन गर्दा इटालीमा भने कुनै परिवर्तन छैन ।

प्रशिक्षक ग्यारेथ साउथगेटले रणनीतिमा परिवर्तन गर्दै विंगर बुकायो साकाको स्थानमा डिफेन्डर काइरान ट्रीपिएरलाई पहिलो रोजाइमा उतारेका छन् । इंग्ल्यान्डले अघिल्लो खेलमा ४-२-३-१ को रणनीतिबाट परिवर्तन गर्दै ५-३-२ को पद्दतिमा उत्रनेछ । काइल वाल्कर राइट ब्याक बाट सेन्टर ब्याक खेल्नेछन् । इंग्ल्यान्डले जर्मनीविरुद्ध राउन्ड अफ १६ मा यसै रणनीतिमा खेलेको थियो ।

इटालीले भने टोलीमा कुनै परिवर्तन गरेको छैन । सेमिफाइनलमा स्पेनको सामना गरेको पहिलो रोजाईले नै प्रशिक्षक रोबर्टो मान्सिनीको टोलीमा निरन्तरता पाएको छ । आक्रमणमा युवा फरवार्ड फेडेरिको किएजालाई चिरो इम्मोबिले र लोरेन्जो इन्सिग्न्नेले साथ दिनेछन् ।

इंग्ल्यान्ड (५-३-२)

जोर्डन पिकफर्ड : लुक शा, ह्यारी मगाएर, जोन स्टोन्स, काइल वाल्कर, काइरन ट्रीपिएर : काल्भिन फिलिप्स, डेक्लन राइस, मेसन माउन्ट : ह्यारी केन, रहिम स्टर्लिङ

इटाली (४-३-३)

जियानलुइजी डोनारुम्मा : एमर्सन, जिओर्जियो किएलिनी, लिओनार्दो बोनुची, डी लोरेन्जो : निको बरेल्ला, जर्जिन्हो, मार्को भेराट्टी : फेडेरिको किएजा, चिरो इम्मोबिले, लोरेन्जो इन्सिगने