एजेन्सी – युरोपेली च्याम्पियनसिपको समूह चरणमा आज (बुधबार) विभिन्न चार खेलमा प्रतिस्पर्धा हुँदैछ । आज समूह ‘ई’ र समूह ‘एफ’ का अन्तिम चरणको खेलमा प्रतिस्पर्धा हुनेछ ।

समूह ‘ई’ मा स्लोभाकिया र स्पेन तथा स्वीडेन र पोल्यान्डबीच खेल हुनेछ । दुवै खेल एकै समयमा नेपाली समयअनुसार राति ९:४५ बजे हुनेछ । यो समूहबाट स्वीडेनले एक खेल बाँकी छदै नकआउट चरणको यात्रा तय गर्दा बाँकी तीन टोलीको पनि अन्तिम १६ मा पुग्ने सम्भावना जीवित छ । घरेलु मैदान सेभियामा हुने खेलमा स्पेन स्लोभाकियालाई हराउँदै अघिल्लो चरण पुग्ने लक्ष्यमा हुनेछ ।

सुरुवाती दुई खेलमा बराबरीको नतिजा निकालेको स्पेनलाई अघिल्लो चरण पुग्न जित्नैपर्ने दवाव छ । बराबरीले तेस्रो स्थानमा रहने सम्भावना  रहेपनि अघिल्लो चरण पुग्न अन्य नतिजामा भर पर्नुपर्छ । पोल्यान्डले स्वीडेनसँग हार बेहोरेको खण्डमा भने स्पेनलाई अन्तिम १६ मा पुग्न बराबरी नै पर्याप्त हुनेछ । टोलीले दुई खेल खेल्दा एक गोल मात्रै गरेका कारण टोलीलाई गोल गर्न दवाव हुनेछ ।

स्पेनलाई घरेलु मैदानमा समूह चरणबाट लज्जास्पद ढंगले बाहिरिने डर छ । स्पेनलाई समूह ‘ई’ बाट अर्को चरण पुग्न निश्चित जित आवश्यक छ । स्पेनमात्र २०१६ मा पनि समूह चरणबाटै बाहिरिएको थियो । सन् २००४ मा पनि स्पेन नकआउट चरण पुग्न सकेको थिएन  ।

अल्भारो मोराटाले आफ्नो लयमा समात्न सकेको छैनन् । जेरार्ड मोरेनो, पाब्लो सराबिया, थियागो अलकान्तरा, सर्जियो बुस्क्वेट्स, कोके, एमेरिक लापोर्ट, एरिक गार्सिया, सेजार एज्पिलिक्वेटा र गोलरक्षक उनाई सिमोन रहेका छन् । यस्तै फेरान टोरेस, एडमा ट्राओरे, पेड्री, रोड्री, मार्काेस लोरेन्टे र जोर्डी अल्वा पनि टोलीमा रहेका छन् ।

यस्तै स्पेनलाई हराएको खण्डमा स्लोभाकिया अघि बढ्नेछ । अर्काे खेलमा स्वीडेन बराबरी या हारेको खण्डमा स्लोभाकिया समूह विजेता बन्नेछ । स्लोभाकियालाई नकआउट चरण पुग्न बराबरी पर्याप्त हुनेछ । सन् २०१६ मा पहिलोपल्ट युरो खेलेयता स्लोभाकिया लगातार दोस्रोपल्ट यो प्रतियोगिता खेलिरहेको छ । अहिले तत्काल स्लोभाकिया ३ अंकसहित दोस्रो स्थानमा छ । यो स्पेनमाथि १ अंकको अग्रता हो । स्लोभाकियाले २०१६ मा पनि समूह चरण पार गर्न सकेको थिएन ।

यि दुई टोलीको पछिल्लो दुई भेटमा दुवै टोलीले समान एक खेल जितेका छन् । २०१६ को लागि युरो छनोटमा प्रतिस्पर्धा हुदा स्पेनले एक खेलमा २–० को जित निकाल्दा त्यसअघि स्लोभाकियाले २–१ को जित निकालेको थियो ।

यो पनि : स्लोभाकियाविरुद्ध स्पेनलाई जित्नैपर्ने दवाव