एजेन्सी – विश्व उपविजेता क्रोएसियाले युरोपेली च्याम्पियनसिपको समूह ‘डी’ को आफ्नो अन्तिम खेलमा मंगलबार राति स्कटल्यान्डसँग खेल्दैछ । हाम्डेन पार्क ग्लास्कोमा नेपाली समयअनुसार राति १२:४५ बजे हुनेछ ।

यो समूहबाट चेक र इंग्ल्यान्डले नकआउट चरणको यात्रा तय गर्दा क्रोएसिया र स्कटल्यान्डको गणितीय रूपमा दोस्रो स्थानको सम्भावना कायम छ । दुवै टोलीको लक्ष्य जित हासिल गर्दै समूहमा कम्तिमा तेस्रो स्थानमा आउने रहनेछ । तर दुवै टिमले च्याम्पियनसिपमा अहिलेसम्म अपेक्षित लय समात्न सकेका छैनन् र गोलकै लागि संघर्ष गरिरहेका छन् ।

क्रोएसियाले लिग चरणको पहिलो खेलमा इंग्ल्यान्डलाई १–० ले नतिजा सुम्पदा दोस्रो खेलमा लयमा रहेको चेकलाई १–१ गोलको बराबरीमा रोक्न सफल भएको थियो । अर्काेतर्फ पहिलो खेलमा चेकसँग २–० हार भोगेको स्कटल्यान्डले दोस्रो खेलमा छिमेकी राष्ट्र इंग्ल्यान्डलाई गोलरहित बराबरीमा रोकेको थियो ।

हालसम्मको सम्मको नतिजामा क्रोएसिया झिनो अन्तरले स्कटल्यान्डभन्दा माथि छ । टोलीले पछिल्लो खेलमा चेकविरुद्ध १–१ को बराबरी खेलेको थियो । अर्कोतर्फ इंग्ल्यान्डलाई गोलरहित बराबरीमा रोकेको स्कटल्यान्ड यही नतिजाका कारण उत्साहित भएर खेल्नेछ ।

क्रोएसियासँगको पाँच खेलमा अपराजित स्कटल्यान्ड सोही अपराजित यात्रालाई निरन्तरता दिने लक्ष्यमा हुनेछ । क्रोएसिया भने स्कटल्यान्डसँगको अपराजित यात्रामा पुर्णविराम लगाउने लक्ष्यमा हुनेछ । जित हासिल गर्ने टोलीको अन्तिम १६ को यात्रा पक्का हुनेछ ।

पछिल्लोपटक यि दुई टोलीले २०१३ मा विश्वकप छनोटमा प्रतिस्पर्धा गरेका थिए । जसमा स्कटल्यान्डले १–० र २–० को जित निकालेको थियो । त्यसअघिको तीन खेल बराबरीमा सकिएको थियो । त्यसपछि क्रोएसियाले टोलीमा उल्लेख्य सुधार गर्दै २०१८ मा विश्वकपमा उपविजेता बन्न सफल हुदा स्कटल्यान्डको खेल खस्कदै गएको थियो ।

क्रोएसियासँग नाम चलेका खेलाडीको साथ रहेपनि यो युरोमा उनीहरुको प्रदर्शन बिर्सनलायक छ । कप्तान लुका मोड्रिच, एन्टी रेविच, एन्ड्रेज क्रामारिच, मारियो पासालिस, इभान पेरिसिस, माटियो कोभासिस र डोमागोज भिडा टोलीमा रहेका छन् ।

यस्तै स्कटल्यान्डसँग एन्ड्रिउ रोबर्टसन, चे एडाम्स, लेन्डन डेकेस, जोन म्याक्जिन, स्कट म्याकटोमिने र मार्सल लगायतको खेलाडी छ । कोरोना संक्रमणका कारण युवा मिडफिल्डर बिल्ली गिल्मर टोलीमा हुनेछैनन् । यि दुई टोलीको समान १ अंक छ ।