लन्डन (एजेन्सी)– म्यानचेस्टर युनाइटेडले अर्को निराशनाजनक नतिजा आत्मसात गर्दा प्रिमियर लिगमा शनिबार शहरी प्रतिद्वन्द्वि म्यानचेस्टर सिटी र आर्सनलले जित निकालेका छन् ।
खराब प्रदर्शनका कारण दबाबमा रहेको युनाइटेडले बर्नलीसँग गोलरहित बराबरीमा चित्त बुझाउँदा सिटीले वेस्ट ब्रुमविचलाई ४–० ले हरायो । अर्को खेलमा आर्सनलले सन्डरल्यान्डमाथि ४–१ को जित हासिल गर्यो । अर्को खेलमा टोटेनह्याम र लेस्टर सिटीले १–१ को बराबरी खेले । वार्टफोर्डले हल सिटीलाई १–० र मिडल्सब्रोले बाउर्नमाउथलाई २–० ले निराश पारेको छ ।

१० खेलको समाप्तीमा शीर्ष दुई टोली सिटी र आर्सनलको समान २३ अंक पुगेको छ । गोलअन्तरमा सिटी पहिलो र आर्सनल दोस्रचे स्थानमा छ । टोटेनह्यामको २० अंक छ । युनाइटेडको भने १० खेलमा मात्र १५ अंक छ । आर्सनलको जितमा एलेक्स सान्चेज र ओलिभर जिर्राउडले समान २ गोल गरे । ७१ औं मिनेटसम्म १–१ को बराबरी रहेको खेलमा त्यसपछिको १७ मिनेटमा आर्सनलले ३ गोल गरेको थियो । सान्चेजले पहिलो गोल १९ औं मिनेटमा गरे । ६५ औं मिनेटमा सन्डरल्यान्डका जेरमाइन डेफोले पेनाल्टीमार्फत बराबरी गोल गरे । ५ मिनेटको फरक ७१ औं र ७६ औं मिनेटमा जिर्राउडले गोल गरे भने सान्चेजले ७८ औं मिनेटमा अर्को गोल थपे ।
अर्को एकपक्षिय खेलमा सिटीका लागि सर्जियो रामोसले १९ औं र २८ औं तथा इल्के गुन्डेगानले ७९ औं र अन्तिम मिनेटमा गोल गरे । गास्टोन रामिरेजले ३९ औं र स्टेवार्ट डाउनिङले ५६ औं मिनेटमा गोल गरेपछि मिडल्सब्रोको जित पक्का भएको थियो । मिचेल डाउसनको आत्मघाती गोलमा वार्टफोर्डको जित पक्का भएको थियो । अर्को खेलमा भिसेन्ट जानसेनको गोलबाट ४४ औं मिनेटमा टोटेनह्यामले अग्रता लिएपनि ४८ औं मिनेटमा साविक विजेता लेस्टरका लागि अहमद मुसाले बराबरी गोल फर्काए । लेस्टरको १० खेलमा १२ अंक पुगेको छ ।