एजेन्सी – जर्मन क्लब बायर्न म्युनिखका फरवार्ड रोबर्ट लेवान्डोस्कीको कप्तानीमा अर्को महिना सुरु हुने युरोकपका लागि पोल्याण्डको टिम घोषणा भएको छ ।

प्रशिक्षक पाउलो साउसाले लेवान्डोस्कीको कप्तानीमा २६ सदस्यीय टोली घोषणा गरेका हुन् । यो सिजन जर्मन बुन्डेसलिगामा उत्कृष्ट प्रदर्शन गरेका लेवान्डोस्कीले गर्ड मुलरको ४९ वर्ष पुरानो अघि बायर्नमा राखेको कीर्तिमानसँग बराबरी गरेका थिए । गत मार्चमा डेब्यु गरेका १७ वर्षीय मिडफिल्डर कास्पर कोजलोस्कीले टोलीमा स्थान बनाएका छन् ।

घाइते फरवार्ड क्रिस्टोफ पिएटेक टिम बाहिर रहँदा कमिल ग्रोसिकीलाई रिजर्भमा राखिएको छ । कमिलसँगै रिभर्जमा चार खेलाडी छन् । समूह ‘ई’ मा रहेको पोल्याण्डले स्पेन, स्वीडेन र स्लोभाकियासँग खेल्नेछ । युरोकपको १६औं संस्करण युरोपको विभिन्न देशका ११ शहरमा आयोजना हुँदैछ । प्रतियोगिता आगामी जुन ११ देखि जुलाई ११ सम्म सञ्चालन हुनेछ ।

२६ सदस्यीय पोलिस टिम

गोलकिपर – लुकास फाबियन्स्की, लुकास स्कोरुप्स्की र वजचिएक सेचेज्नी

डिफेण्डर – जान बेडनारेक, बार्तोस बेरेन्स्की, पावल डेविडोविज, कमिल गिलिक, माइकल हेलिक, थोमस केड्जिओरा, कमिल पिएटकोस्की, टाइमोटेउस पुचाज र मासेज राएबस

मिडफिल्डर – प्रेमाइसल फ्रानकोस्की, कमिल जोजवियक, माटेउस क्लिच, कास्पर कोजलोस्की, ग्रेगोर्ज क्रिचोवियक, कारोल लिनेट्टी, जाकुब मोडर, प्रेमाइसल प्लाचेटा र पिओर जिलिन्स्की

फरवार्ड – रोबर्ट लेवान्डोस्की, डेविड कोनास्की, अर्काडिउस मिलिक, कारोल स्वीडेरस्की र जाकुब स्वीरजोक