दिपक बोहोरा (पाँचथर)

फिदिममा जारी तरुण नकआउट जिल्ला स्तरीय फुटवल प्रतियोगिताको फाइनल फिदिम १ र आङसराङ बिच आज हुने भएको छ । मङगलबार सदरमुकाम फिदिममा भएको सेमिफाइनलको खेलहरु जित्दै दुबै टोली फाइनल प्रबेश गरेको हुन ।

फिदिमले याङनाम ४–१ को गोल अन्तरले जित निकाल्दै फाइनल प्रेबेश गरेको हो । पहिलो हाफमा फिदिमले २ गोल गरेको थियो । पहिलो हाफमा असल मगर र साजन मगरले गोल गरेका थिए । दोस्रो हाफमा मिलन सम्वाहाफे र सरण वस्नेतले गोल थप्दा जीत फराकिलो अन्तरको बन्न पुग्यो । फिदिमका जिवन भण्डारी पास लाइ गोल गर्देै फिदिमले जित निकालेको हो ।

याङनामले १ गोल फर्काएर खेलमा फकर्ने प्रयास गरेपनि सम्भव भएन । फिदिमको अगाडी याङनाम निरही देखिन्थ्यो । खेल प्रतिस्पर्धात्मक देखिएपनि याङनामले मौकाको फाईदा लिन सकेन । याङनामका एक खेलाडी रेड कार्ड पाएर वाहिरे पछि याङनाम ८ खेलाडीमा सिमित हुन पुग्यो ।

त्यस्तै विहान भएको अर्को सेमीफाईनमा आङसराङले फिदिम–३ लाई पराजित गरेर घर फर्काइदिएको छ । आङसराङले १–० को जित निकाले हो । अत्यान्त प्रतिस्र्धात्मक खेलको इन्जुरी समयमा आङसराङका दिनेश कुरुम्वाङले गोल गर्दै जित दिलाए । डिवक्स एरियामा वान भर्सेस वानको मौकालाई कुरुङम्बाङले गोलमा परिणत गराएका थिए ।

उपाधिका वुधवार यि दुई टिम भिड्ने छन् । दुवै टिमको कडा प्रतिस्पर्धा हुने अनुमान लगाइएको छ । नेपाल तरुण दल पाँचथरले ६४ औँ स्थापना दिवसको अवसरमा प्रतियोगिता आयोजना गरेको हो । प्रतियोगिताको विजेता टिमले ५१ हजार रुपैयाँ नगद र ट्रफि उचाल्ने छ ।

उपविजेताले भने ३५ हजार रुपैयाँ नगद र ट्रफिमा चित्त वुझाउनु पर्ने छ । प्रतियोगितामा २१ टिमको सहभागिता रहेको थियो ।
फाईनल खेलमा पूर्व राजनीतिक दल भर्सेस पत्रकारहरु विचको मैत्रिपूर्ण खेल राखिएको अध्यक्ष सुमन लामाले जानकारी दिए ।