काठमाडौं (हाम्रो खेलकुद) – नेपाल सुपर लिग (एनएसएल) को प्लेअफ चरण मंगलबारदेखि सुरु हुँदैछ । लिग चरणको समाप्तिसँगै शीर्ष चार टोलीले प्लेअफमा स्थान पक्का गरेका छन् ।

शीर्षस्थानमा रहेको काठमाडौं रेजर्सले मंगलबार फाइनल प्रवेशका लागि धनगढी एफसीको सामना गर्नेछ । पराजित हुने टोलीले बुधबार हुने एलिमिनेटरको विजेतासँग खेल्दै फाइनल प्रवेश गर्ने अर्को अवसर पाउनेछ । एलिमिनेटरमा ललितपुर सिटी र बुटवल लुम्बिनी भिड्नेछन् । बिहीबार नै दोस्रो क्वालिफाएर हुनेछ ।

प्लेअफअघि चारै टोलीका प्रशिक्षक र कप्तानले आफ्नो अभिव्यक्ति दिएका छन् ।

काठमाडौं रेजर्स

बालगोपाल महर्जन (प्रशिक्षक)

नेपालमा पहिलो समय भएको लिगमा काठमाडौं रेजर्सले शीर्षस्थानमा रहेर प्ले अफमा स्थान बनाएको छ । भोलिको खेलको लागि खेलाडीहरु उत्साहित छन् । टोलीको मनोवल उच्च बनेको छ । दिन दिनै टोली र खेलाडीको प्रदर्शनमा सुधार हुँदै आएको छ । भोलिको खेलमा पनि राम्रो गर्नेछौं । आशा छ राम्रो नतिजा आउनेछ ।

अवश्यपनि अघिल्लो खेललाई मध्यनजर गर्दै त्यसमा रहेको कमी कमजोरीलाई सुधार्दै खेल्नेछौं । त्यो बेलाको मिडफिल्ड र फरवार्ड शैलीमा मा फरक दुई साता अघिको खेल भन्दा यो खेल फरक हुने ।

सन्जोकलाई मैले विगत १० देखि हेर्दै आएको छ । पोटेन्सियल छ । टेक्निकल एकदमै छ । कुन बेलामा कसरी प्रयोग गर्ने त्यो अनुसार उनलाई प्रयोग गरिरहेका छौं ।

अवश्यपनि एनएसएल केही व्यवसायिक रुपमा राम्रो भएको । खेलाडीहरुले त्यही अनुसारको सुविधा पाइरहेका छन् । त्यही अनुसार खेल प्रदर्शन भइरहेको छ । एनएसएलमा टाइमको समस्या मात्रै हो । ए डिभिजन लिग भन्दा यस खेलमा बढी उत्साहित र रमाइलो महसुस गरिहेका छौं ।

विकेश कुथु (कप्तान)

लिग चरणमा जितसहित अन्त्य गर्न सक्यौं । टिमले जित्नका लागि नै खेल्छौं । हामी हाम्रो तर्फबाटे बेस्ट दिनेछौं । पक्कै पनि यो मेरो पहिलो समय कप्तानी गरेको । नर्मल रुपमा किपर खेल्ने र कप्तानी सम्हाल्दै किपर खेल्नुले नयाँ जिम्मेवारी थपिएको महसुस गरेको ।

अरु खेलाडीहरुले गल्ती गरेको ठाँउलाई कभर गर्ने ठाँउ हुन्छ । तर गोलकिपरको पोस्ट भनेको मिस्टेक गरे नो चान्स, त्यही माथि कप्तानी गर्नुपर्दा जिम्मेवारी धेरै नै थपिएको महसुस भएको छ । दवावलाई झेल्दै माथिल्लो लेभलमा जानुपर्छ भावना छ र त्यही अनुसार आफुले सकेसम्म टिमलाई मोटिभेसन दिइरहेका छौं ।

धनगढी एफसी

किरण चेम्जोङ (कप्तान)

तयारी गर्ने समय त्यति नरहेपनि मानसिक रूपमा तयार छौं । उत्साहित पनि छौं । लिगको अन्तिम खेललाई कमजोर प्रदर्शन भन्न मिल्दैन । किनकि नतिजा अनुसार हामी पछि परेका हौं । तर, हामीले राम्रो फुटबल खेलेका थियौं । तर, त्यस खेलले टोलीमा कुनै असर नगरेको । हामी प्ले अफलाई तयार छौं ।

लिग र नकआउट राउन्डको खेलमा केही फरक आउने नै छ । मलाई लाग्छ भोलिको खेल एकदमै प्रतिस्पर्धात्मक हुनेछ । राम्रो नभएको भए टोली प्लेअफमा पुग्ने थिएन होला ।

तोपे फुजा (प्रशिक्षक)

काठमाडौं विरुद्धको खेल निकै प्रतिस्पर्धात्मक हुनेछ । हाम्रो टिमले गोल निकाल्नेमा ध्यान दिन्छौं । काठमाडौंको आक्रमण राम्रो भएपनि हामीले त्यसलाई रोक्न रणनीति बुनिरहेका छौं । हामी फाइनल खेल्ने लक्ष्य राखेर नै मैदान उत्रन चाहन्छौं ।

ललितपुर सिटी एफसी

राजु तामाङ (प्रशिक्षक)

गाह्रो अवस्थामा माथि आएका छौं । त्यसरी नै राम्रो नतिजा निकाल्ने कोसिस गर्नेछौं । खेलाडीहरुको मनोबल उच्च रहेको छ । प्ले अफको सबै टिम राम्रो छ । त्यो भन्दा हामी राम्रो गर्ने कोसिस गर्नछौं ।

लगभग सबैले टोली बाहिरिसकेको अवस्थामा पुग्दा टोलीले राम्रो बुस्टअप गरेको हिसावले राम्रो गरेको । यसलाई म के मा जोड्न चहान्छु भने । ललितपुर सिटीको लोगो लाखेसँग जोडिएको छ । त्यसले गर्दा लाखेलाई जगाउन अलि समय लाग्छ, तर, अब यो जागिसक्यो । अब आउने खेलमा लाखेलाई रोक्न गाह्रै पर्छ जस्तो लाग्छ । हामी जित्नका लागि जान्छौं ।

लिग चरणका सुरुवाती चार खेलमा केहि कठिन भएपनि विस्तारै लय समातेको र अब त्यहि लयलाई कायम राखेर अगाडी बढ्ने बताए । टिममा सुरुवातमा दबाव भएपनि अब आफ्नो टिम ब्युझिसकेको र यसले राम्रो नतिजाको अपेक्षामा रहेको धारणा राखे ।

अन्जन विष्ट (कप्तान)

स्टेप बाइ स्टेप राम्रो हुदै आएको छ । हामीले सक्दो कोसिस गरिरहेका छौं । आशा गरौं आउने गेममा लिगको अन्तिम खेलमा भन्दा राम्रो गर्नेछौं । सुरुवातमा संघर्ष गर्नपर्यो । हुनसक्छ कहिले काँही भाग्यले पनि साथ नदिन सक्छ । हाम्रो मुख्य लक्ष्य जित्ने नै थियो ।

अन्तिम दुई खेल जितेर हामी प्ले अफमा छौं । जे होस हाम्रो सुरुदेखि अहिलेसम्म खेल्ने शैली एकै छ । आफुले गोल गरे भन्दा पनि टिमले जितेकोमा खुशी हुने । कसको गोल भन्दापनि टोलीको जितले महत्त्व राख्छ ।

बुटवल लुम्बिनी सिटी एफसी

उज्वल मानन्धर (सहायक प्रशिक्षक)

जितको लागि आउनेछौं । टिमको त्यही अनुसार तयारी भइरहेको छ । अभिषेक आउने बित्तिकै टिमसँग खेल्नुपरेको छ । विस्तारै अरु खेलाडीसँग सेट भइरहेको छ । ललितपुरको आक्रमण राम्रो छ र त्यसलाई रोक्ने लक्ष्यमा हुनेछौं ।

टिमले लिग चरणमा सोचेको जस्तो स्कोर गर्न नसकेको र स्ट्राइकर केहि चुकेको थिए, त्यो पक्षलाई मिलाएर ललितपुरविरुद्ध उत्रनेछौं ।

विराज महर्जन (कप्तान)

टिम राम्रो लयमा छ र तयारी पनि राम्रो रहेको छ । इन्ज्युरी त्यति छैन । त्यो कारणले पनि हामीलाई सहज हुनेछ । प्रशिक्षकको निर्देशन अनुसार खेल्नेछौं ।

स्कोर भएपनि राम्रोसँग अवसर निस्किरहेको छैन । त्यसलाई ध्यानमा राखेर प्रशिक्षण गरिरहेको छ । टिममा कोर्डिनेसन मिलाउन सके ललितपुरलाई कडा चुनौती दिँदै राम्रो नतिजा ल्याउनेछौं ।

विपक्षी टिमको रणनिती केहि हदसम्म थाहा भएकाले त्यहि अनुसारको रणनिती बनाएर खेल्नेछौं । करिम र विलियनले राम्रो खेलिरहेका छन् । सुरुमा विदेशी खेलाडीसँग समन्वय गर्न गाह्रो भएपनि दोस्रो र तेस्रो खेलमा उनीहरुसँग राम्रो समझदारी भएको छ । अहिले त्यो सबै मिलेकाले पनि राम्रो नतिजाको अपेक्षामा छु ।