काठमाडौं (हाम्रो खेलकुद) – कप्तान अन्जन विष्ट पेनाल्टीमा चुक्दा ललितपुर सिटी एफसीले खुकुरी नेपाल सुपर लिग (एनएसएल) को खेलमा चितवन एफसीसँग पहिलो हाफ गोलरहित बराबरी खेलेको छ ।

त्रिपुरेश्वरस्थित दशरथ रंगशालामा सोमबार भएको खेलका अन्जन विष्टले पेनाल्टी चुकाउदा ललितपुर सिटी अग्रता लिनबाट चुकेको थियो । उक्त पेनाल्टीमै चितवन सिटी एफसीका गोलरक्षक विशाल सुनारले दोहोरो बचाउ गरेका थिए ।

१०औं मिनेटमा नविन लामाको पासमा बिमल रानाले पेनाल्टी बक्समा प्रहार गर्न ढिलाई गर्दा सिमन्त थापाले क्लियर गर्दै चितवनको खतरा टारे । त्यसमै कमल श्रेष्ठको कर्नरमा पाल्साङ लामाको फ्रि हेडर पोस्ट नजिकैबाट बाहिरिदा ललितपुर सिटी एफसी अग्रता लिनबाट चुक्यो ।
१९औं मिनेटमा कमल श्रेष्ठको कर्नरमा निरज बस्नेतलाई गोरान जर्काेभिचले फल गरेपछि रेफ्री प्रकाश नाथ श्रेष्ठले ललितपुरलाई पेनाल्टी प्रदान गरेको थियो ।

२१औं मिनेटमा चिवन एफसीका गोलरक्षक विशाल सुनारले दोहोरो बचाउ गर्दै चितवनको खतरा टारे । विशालले अन्जन विष्टको पेनाल्टी र रिवाउन्डका बिमल रानाको प्रहारलाई बचाएका थिए । ३५औं मिनेटमा गोरान जर्काेभिचको पासमा कप्तान भरत खवासको पेनाल्टी बक्सबाहिरको सशक्त प्रहार पोस्ट माथिबाट थोरै बाहिरिदा चितवन अग्रता लिनबाट चुक्यो ।

४०औं मिनेटमा विमल रानाको हेडरलाई गोलरक्षक विशाल सुनारले डाइभ दिदै नियन्त्रणमा लिए । ४१औं मिनेटमा अन्जन विष्टको क्रस पासमा नुरलान जाहिदको हेडरले पोस्टको दिशा लिन सकेन ।

दोस्रो हाफमा केही बेरमा सुरु हुनेछ ।