काठमाडौं (हाम्रो खेलकुद) – इराक फुटबल संघले गए राती सामाजिक सञ्जालमार्फत अर्को महिना नेपाली राष्ट्रिय फुटबलसँग मैत्रीपूर्ण खेल खेल्ने जानकारी दिएको छ । तर, अखिल नेपाल फुटबल संघ (एन्फा) मौखिक रुपमा चर्चा भएपनि लिखित रुपमा मैत्रीपूर्ण खेलका लागि कुनै प्रस्ताव नआएको जनाएको छ ।

कतार विश्वकप २०२२ छनोटका बाँकी खेलको तयारीका क्रममा इराकले नेपालसँग मैत्रीपूर्ण खेल खेल्ने आफ्नो फेसबुक पेजमा लेखेको छ । विश्वकप छनोटमा बहराइनसँग खेल्नुअघि इराकले ताजिकिस्तान र नेपालसँग मैत्रीपूर्ण खेल खेल्ने उल्लेख गरेको छ । एन्फा एक पदाधिकारीले भने भने, ‘ अहिले सम्म लिखित प्रस्ताव आएको छ । आयो भने एसियाली फुटबल महासंघ (एएफसी) सँग त्यहाँको सुरक्षा अवस्था, भ्रमणका लागि उपयुक्त हुने नहुने, कोरोनाको दोस्रो लहरको अवस्था हेरेमात्र निर्णय गरिने छ ।

इराक फुटबल संघको भने नेपाल र इराकबीच मे महिनामा बसराह रंगशालामा खेल हुनेछ भनिएको छ । यद्दपी मिति भने तोकिएको छैन । इराकले स्ट्याटसमा इराकले नेपालसँग भन्दा अगाडि ताजकिस्तानसँग खेल्ने उल्लेख गरेको छ । नेपालसँगको मैत्रीपूर्ण खेलपछि इराकी टोली विश्वकप छनोटको खेलका लागि बहराइन भ्रमणमा निस्कने उल्लेख गरेको । विश्वकप छनोटको समुह ‘सी’ मा रहेको इराक फिफा बरियतामा ६८औँ स्थानमा रहेको छ ।

समुह ‘बी’ मा रहेको नेपाल फिफाको वरियतामा १७१औँ स्थानमा छ । नेपालले आफ्नो विश्वकप छनो्टका खेल अन्तर्गत अष्ट्रेलिया,जोर्डन र चाइनिज ताइपेईविरुद्ध खेल्न बाँकी छ । गत चैतमा दशरथ रंगशालामा हुने भनिएपनि पछि कोरोनाको कारण देखाउँदै एएफसीले विश्व कप छनोटको नेपाल रहेको समूहको खेल कुवेतमा गर्ने तय गरेको थियो ।